റിയാദ് മെട്രോ: ഓറഞ്ച് ലൈനിൽ രണ്ട് സ്റ്റേഷനുകൾ പ്രവർത്തനം ആരംഭിച്ചു

റിയാദ്: റിയാദ് മെട്രോ ട്രെയിൻ ഓറഞ്ച് ലൈനിൽ പദ്ധതിക്ക് കീഴിൽ സാലിഹിയ, സുൽത്താന സ്​റ്റേഷനുകൾ പ്രവർത്തനം ആരംഭിച്ചു. റിയാദ് ട്രെയിനി​ന്റെ ഓറഞ്ച് ലൈനിൽ ഇന്നലെ മുതലാണ് സ്വാലിഹിയ, സുൽത്താന സ്​റ്റേഷനുകൾ തുറന്നതെന്ന് റിയാദ് പൊതുഗതാഗത അതോറിറ്റി അറിയിച്ചു.

ഘട്ടം ഘട്ടമായി മെട്രോ സ്റ്റേഷനുകൾ പ്രവർത്തിപ്പിക്കുന്നതി​ന്റെ ഭാഗമാണിത്. ഇനി ഓറഞ്ച് ലൈനിൽ 11 സ്​റ്റേഷനുകൾ കൂടി തുറക്കാൻ ബാക്കിയുണ്ട്. നാല് പ്രധാന സ്​റ്റേഷനുകൾ ഉൾപ്പെടെ 85 റെയിൽവേ സ്​റ്റേഷനുകൾ ഉൾപ്പെടുന്നതാണ് റിയാദ് മെട്രോ പദ്ധതി.

അതേസമയം വാസ്തുവിദ്യാസൗന്ദര്യവും പ്രവർത്തനക്ഷമതയും സമന്വയിപ്പിക്കുന്ന ആധുനിക സവിശേഷതകളോടെയാണ് ഇത് രൂപകൽപ്പന ചെയ്തിരിക്കുന്നത്. സീമെൻസ് (ജർമനി), ബൊംബാർഡിയർ (കാനഡ), അൽസ്​റ്റോം (ഫ്രാൻസ്) എന്നീ പ്രമുഖ അന്താരാ ഷ്​ട്ര കമ്പനികൾ നിർമിക്കുന്ന 190 ട്രെയിനുകളും 452 ബോഗികളും പദ്ധതിയിൽ ഉൾപ്പെടുന്നു. വിവിധ പാതകളിൽ 19 പാർക്കിങ് സ്ഥലങ്ങളുണ്ട്.