ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
ന്യൂസ് ബ്യൂറോ 
അബുദാബി: അശ്ളീല ഉള്ളടക്കമുള്ള ടിക്ടോക് വീഡിയോ ചിത്രീകരിച്ച് പോസ്റ്റ് ചെയ്ത പ്രവാസികൾ പിടിയിൽ. അഞ്ച് ഫിലിപ്പീൻസ് സ്വദേശികളെയാണ് യുഎഇ പൊലീസ് അറസ്റ്റ് ചെയ്തത്. തമാശയ്ക്ക് ചിത്രീകരിച്ച വീഡിയോയാണ് നടപടിയിലേയ്ക്ക് നയിച്ചത് എന്നാണ് പിടിയിലായവരുടെ ബന്ധുക്കൾ അറിയിക്കുന്നത്. നിയമനടപടിയുണ്ടാകും എന്നറിയാതെ തമാശയ്ക്ക് ചിത്രീകരിച്ചെങ്കിലും വേശ്യാവൃത്തിയെ പ്രോത്സാഹിപ്പിക്കുന്ന തരത്തിലെ ഉള്ളടക്കമാണെന്ന തെറ്റിദ്ധാരണയിൽ അധികൃതർ അറസ്റ്റ് ചെയ്തതായാണ് വിശദീകരണം.
അതേസമയം പിടിയിലായവരുടെ കോടതി നടപടികൾ ആരംഭിക്കാൻ കാത്തിരിക്കുകയാണെന്ന് ഫിലിപ്പീൻസ് അധികൃതർ അറിയിച്ചു. എംബസി ഇവർക്കാവശ്യമായ നിയമസഹായം നൽകും. സംഭവം നിരീക്ഷിച്ച് വരികയാണെന്ന് ദുബായിലെ ഫിലിപ്പീൻസ് കോൺസുലേറ്റ് ജനറൽ അറിയിച്ചു. പ്രവാസികൾ യുഎഇയുടെ പ്രാദേശിക സംസ്കാരങ്ങളെ മാനിക്കണം. കൂടാതെ സൈബർ നിയമങ്ങളെക്കുറിച്ചും സമൂഹ മാദ്ധ്യമങ്ങളിൽ എന്ത് പോസ്റ്റ് ചെയ്യണം എന്നതിനെക്കുറിച്ചും ബോധവാന്മായിരിക്കണമെന്നും അദ്ദേഹം അറിയിച്ചു.
