ഐ സി എഫ് റിയാദ് – സ്പോർട്ടിവ് സംഘടിപ്പിച്ചു

റിയാദ് : ഇന്ത്യൻ കൾച്ചറൽ ഫൗണ്ടേഷൻ റിയാദ് സെന്ട്രലിൻറെ റൂബി ജൂബിലി ആഘോഷണങ്ങളുടെ ഭാഗമായി കായിക മേള സംഘടിപ്പിച്ചു. സ്‌പോർട്ടീവ് ജനറൽ സ്പോർട്സ് മീറ്റ് എന്ന പേരിൽ സംഘടിപ്പിച്ച മേളയിൽ പതിനാറ് സെക്ടറുകളിൽ നിന്നുള്ളവരായിരുന്നു മത്‌സരാർഥികൾ.

വനാൻസ സ്പോർട്ട്സ് സ്പോട്ടിൽ രാവിലെ നടന്ന മാർച്ച് പാസോടു കൂടി ആരംഭിച്ച സ്പോർട്ടിവ് ജനറൽ സ്പോർട്സ് മീറ്റ് വൈകുന്നേരം വരെ നീണ്ടു നിന്നു. കമ്പവലി , ഫുട്‌ബോൾ , കബഡി എന്നീ ടീം ഇനങ്ങളും 100 മീറ്റർ നടത്തം , 100 മീറ്റർ ഓട്ടം, സ്പൂൺ ആൻറ് ലൈം, കസേര കളി, പന്ത് കൈമാറ്റം , ഷട്ടിൽ റൺ തുടങ്ങിയ വ്യക്തിഗത ഇനങ്ങളുമായി ഇരുന്നൂറോളം പേർ പങ്കെടുത്തു.

ശിഫ സെക്റ്റർ ഓവറോൾ ചമ്പ്യാന്മരായ സ്പോർട്ടിവിൽ ശിഫ സെക്ടറിന് വേണ്ടി മത്സരിച്ച ബഷീർ കലാ പ്രതിഭയായി തിരഞ്ഞെടുക്കപ്പെട്ടു. ഫുട്‌ബോൾ മത്സരത്തിൽ മലാസ് സെക്റ്റർ ഒന്നാം സ്ഥാനവും ഗുറാബി സെക്റ്റർ രണ്ടാം സ്ഥാനവും നേടിയപ്പോൾ കബഡിയിൽ റൗദ സെക്റ്റർ ഒന്നാം സ്ഥാനവും ഉമ്മുൽ ഹമ്മാം സെക്റ്റർ രണ്ടാം സ്ഥാനവും നേടി.. കമ്പവലി ഫൈനലിൽ മലാസ് സെക്ടറിനെ പരാജയപ്പെടുത്തി ഓൾഡ് സനായ വിജയികളായി.

സ്പോർട്ടിവ് സംഘാടക സമിതി കൺവീനർ ഇബ്രാഹീം കരീം ഓവറോൾ ചമ്പ്യാന്മാരെ പ്രഖ്യാപിച്ചു. ചെയർമാൻ ഹുസൈൻ അലി കടലുണ്ടി ട്രോഫി കൈമാറി. മറ്റു വിജയികൾക്ക് ഐ സി എഫ് സെൻട്രൽ പ്രൊവിൻസ് റിയാദ് സെൻട്രൽ ഭാരവാഹികൾ ട്രോഫികളും മെഡലുകളും വിതരണം ചെയ്‌തു. അലിഫ് ഇന്റർനാഷണൽ സ്‌കൂളിലെ അദ്ധ്യാപകരായ നൗഷാദ് മാസ്റ്റർ ….. എന്നിവർ മത്സരങ്ങൾ നിയന്ത്രിച്ചു