ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
മലയാളമിത്രം നാഷണല് ഡസ്ക് 
പഞ്ചാബിലും ചണ്ഡീഗഡിലും കോണ്ഗ്രസുമായുള്ളസഖ്യസാധ്യതകള് തള്ളി ആം ആദ്മി പാര്ട്ടി മേധാവിയും ഡല്ഹി മുഖ്യമന്ത്രിയുമായ അരവിന്ദ് കെജ്രിവാള് രണ്ടിടത്തേയും 14 ലോക്സഭാ സീറ്റുകളിലും പാര്ട്ടി ഒറ്റയ്ക്ക് മത്സരിക്കും. പശ്ചിമ ബംഗാളിൽ തൃണമൂല് കോണ്ഗ്രസ് (TMC) ഒറ്റയ്ക്ക് മത്സരിക്കുമെന്ന് മമത ബാനര്ജി പറഞ്ഞതിന് തൊട്ടുപിന്നാലെയാണ്ഇന്ത്യ മുന്നണിക്ക് വലിയ തിരിച്ചടിയായി പുതിയ പ്രഖ്യാപനം. പഞ്ചാബിലെ ഖന്നയില് റേഷന് വിതരണത്തെക്കുറിച്ചുള്ള ഒരു പരിപാടിയെ അഭിസംബോധന ചെയ്യുകയായിരുന്നു കെജ്രിവാള്.
‘രണ്ട് മാസത്തിനുള്ളില് ലോക്സഭാ തിരഞ്ഞെടുപ്പ് നടക്കും. ലോക്സഭാ തിരഞ്ഞെടുപ്പില് പഞ്ചാബില് 13 സീറ്റുകളും ചണ്ഡീഗഢില് നിന്ന് ഒരു സീറ്റും അടക്കം ആകെ 14 സീറ്റുകളുണ്ട്. അടുത്ത 10-15 ദിവസത്തിനുള്ളില് ഈ 14 ലും എഎപി സ്ഥാനാര്ത്ഥികളെ പ്രഖ്യാപിക്കും. ഈ 14 സീറ്റുകളും നിങ്ങള് എഎപിയെ ഭൂരിപക്ഷത്തോടെ ജയിപ്പിക്കാന് സഹായിക്കണം,’ കെജ്രിവാള് പറഞ്ഞു.
പഞ്ചാബ് മുഖ്യമന്ത്രി ഭഗവന്ത് മാനും വേദിയിലുണ്ടായിരുന്നു. ”നിങ്ങള് ഞങ്ങളുടെ കൈകള് എത്രത്തോളം ശക്തമാക്കുന്നുവോ അത്രത്തോളം ഞങ്ങള്ക്ക് കൂടുതല് ജോലി ചെയ്യാന് കഴിയും. രണ്ട് വര്ഷം മുമ്പ് പഞ്ചാബിലെ 117ല് 92 സീറ്റുകള് നല്കി നിങ്ങള് ഞങ്ങളെ അനുഗ്രഹിച്ചു. ഇപ്പോള് വീണ്ടും കൈ കൂപ്പി നിങ്ങളുടെ അനുഗ്രഹം ചോദിക്കാനാണ് ഞാന് ഇവിടെ വന്നത്, കെജ്രിവാള് കൂട്ടിച്ചേര്ത്തു.
ലോക്സഭാ തിരഞ്ഞെടുപ്പില് അസമില് മൂന്ന് സീറ്റുകളില് പാര്ട്ടി മത്സരിക്കുമെന്ന് എഎപി എംപി സന്ദീപ് പഥക് അടുത്തിടെ പറഞ്ഞിരുന്നു. ഇന്ത്യാ ബ്ലോക്കുമായി മാസങ്ങളായി തുടരുന്ന ചര്ച്ചകള് ഒരു വഴിത്തിരിവിലെത്താന് കഴിഞ്ഞില്ലെന്നും അദ്ദേഹം പറഞ്ഞിരുന്നു. എന്നിരുന്നാലും, എഎപി പൂര്ണമായും ഇന്ത്യന് സഖ്യത്തി നൊപ്പമാണെന്നും സീറ്റ് ചര്ച്ചകള് വേഗത്തിലാക്കാന് അവരോട് ആവശ്യപ്പെട്ടി ട്ടുണ്ടെന്നും അദ്ദേഹം കൂട്ടിച്ചേര്ത്തു.
പഞ്ചാബില് കോണ്ഗ്രസും ആം ആദ്മി പാര്ട്ടിയും തമ്മില് സഖ്യമുണ്ടാകില്ലെന്ന് മുഖ്യമന്ത്രിയും എഎപി നേതാവുമായ ഭഗവന്ത് മാന് നേരത്തെ വ്യക്തമാക്കിയിരുന്നു. ഇരു പാര്ട്ടികളും പ്രതിപക്ഷത്തിന്റെ ഇന്ത്യ മുന്നണിയിലെ സഖ്യകക്ഷികളാണ്. ഒറ്റയ്ക്ക് മത്സരിക്കാനുള്ള മമത ബാനര്ജിയുടെ തീരുമാനം എഎപി പിന്തുടരുമോ യെന്നും ചോദിച്ചപ്പോള് പഞ്ചാബില് ഞങ്ങള് അങ്ങനെയൊന്നും (കോണ്ഗ്രസുമായുള്ള സഖ്യം) ചെയ്യില്ലെന്നായിരുന്നു മുഖ്യമന്ത്രിയുടെ മറുപടി.
ഞങ്ങള്ക്ക് കോണ്ഗ്രസുമായി ഒന്നുമില്ലെന്നും അദ്ദേഹം വ്യക്തമാക്കി. സംസ്ഥാനത്തെ 13 ലോക്സഭാ സീറ്റുകളിലും പാര്ട്ടി വിജയിക്കുമെന്ന് അദ്ദേഹം ആത്മവിശ്വാസം പ്രകടി പ്പിക്കുകയും ചെയ്തു. പൊതുതിരഞ്ഞെടുപ്പില് ഒറ്റയ്ക്ക് മത്സരിക്കാനുള്ള ആം ആദ്മി പാര്ട്ടിയുടെ പഞ്ചാബ് ഘടകത്തിന്റെ നിര്ദ്ദേശത്തിന് കെജ്രിവാള് അംഗീകാരം നല്കിയതായി വൃത്തങ്ങള് അറിയിച്ചു. സീറ്റ് വിഭജനത്തില് കോണ്ഗ്രസിന് പിടിവാശി യുണ്ടെന്ന് ആരോപിച്ച് പഞ്ചാബില് കോണ്ഗ്രസുമായി ചേര്ന്ന് തിരഞ്ഞെടുപ്പില് മത്സരിക്കാന് എഎപി വിസമ്മതിച്ചേക്കുമെന്നും അവര് കൂട്ടിച്ചേര്ത്തു.
കൂടാതെ ഈ വര്ഷം അവസാനം നടക്കാനിരിക്കുന്ന നിയമസഭാ തിരഞ്ഞെടുപ്പില് ഹരിയാനയിലെ എല്ലാ സീറ്റുകളിലും സ്വന്തം ശക്തിയില് പാര്ട്ടി മത്സരിക്കുമെന്ന് എഎപി നേതാവ് അരവിന്ദ് കെജ്രിവാള് വ്യക്തമാക്കിയിരുന്നു. ഹരിയാനയിലെ 90 നിയമസഭാ സീറ്റുകളിലും എഎപി മത്സരിക്കും. ലോക്സഭാ തിരഞ്ഞെടുപ്പില് ഇന്ത്യാ മുന്നണിയിലെ പ്രതിപക്ഷ പാര്ട്ടികളുമായി സഖ്യമുണ്ടാക്കുമെന്നും അദ്ദേഹം പറഞ്ഞു. ‘ലോക്സഭാ തിരഞ്ഞെടുപ്പ് വരാന് പോകുന്നു, ഞങ്ങള് എങ്ങനെയാണ് ഇന്ത്യാ മുന്നണി രൂപീകരിച്ചതെന്ന് നിങ്ങള്ക്കറിയാം. പൊതുതിരഞ്ഞെടുപ്പില് സഖ്യകക്ഷികളുമായി ധാരണയുണ്ടാക്കും. നിയമസഭാ തിരഞ്ഞെടുപ്പില് ഹരിയാനയിലെ 90 സീറ്റുകളിലും ഞങ്ങള് ഒറ്റയ്ക്ക് മത്സരിക്കുമെന്നും സര്ക്കാര് രൂപീകരിക്കാന് പാര്ട്ടി തിരഞ്ഞെടുപ്പിനെ നേരിടും’, അദ്ദേഹം കൂട്ടിച്ചേര്ത്തു.
ഹരിയാനയുടെ ഇരുവശത്തും എഎപി സര്ക്കാരുകളുണ്ട്. അങ്ങനെയെങ്കില്, എന്തു കൊണ്ടാണ് കേന്ദ്രത്തില് ഉള്ളവര്ക്ക് അതേ വഴിക്ക് പോകാന് കഴിയാത്തത്? തിരഞ്ഞെ ടുപ്പ് ഒക്ടോബറിലാണ്. അത് നിങ്ങളുടെ കൈയിലാണ്. ഹരിയാനയില് ഒരു എഎപി സര്ക്കാര് തിരഞ്ഞെടുക്കപ്പെടുമെന്ന് ഉറപ്പാക്കുക. ഞങ്ങള് സര്ക്കാര് രൂപീകരിക്കു മെന്ന് എനിക്ക് ഉറപ്പുണ്ടെന്നും കെജ്രിവാൾ വ്യക്തമാക്കി.
