‘നിതീഷ് കുമാറിന് വേണ്ടി തന്റെ വാതിലുകൾ എപ്പോഴും തുറന്നിരിക്കുന്നു’: ലാലു പ്രസാദ് യാദവ്

ബിഹാർ മുഖ്യമന്ത്രി നിതീഷ് കുമാറിന് വേണ്ടി തന്റെ വാതിലുകൾ എപ്പോഴും തുറന്നിട്ടിരിക്കുകയാണെന്ന് രാഷ്ട്രീയ ജനതാദൾ (ആർജെഡി) അധ്യക്ഷൻ ലാലു പ്രസാദ് യാദവ് . എന്നാൽ എൻഡിഎയിൽ തുടരണോ അതോ ആർജെഡിയുമായി സഖ്യം രൂപീകരിക്കണോ എന്ന് തീരുമാനിക്കേണ്ടത് ജെഡിയു മേധാവിയാണെന്ന് ഉപമുഖ്യമന്ത്രി സാമ്രാട്ട് ചൗധരി ഇതിനോട് പ്രതികരിച്ചുകൊണ്ട് പറഞ്ഞു. “

ബിജെപിയുമായോ രാഷ്ട്രീയ ജനതാദളുമായോ സഖ്യത്തിൽ തുടരണമോ എന്ന് നിതീഷ് കുമാർ തീരുമാനിക്കണം. അത് തീരുമാനിക്കേണ്ടത് നിതീഷ് കുമാറാണ്, അല്ലാതെ ലാലു പ്രസാദ് യാദവല്ല. നിതീഷ് കുമാർ തൻ്റെ കാഴ്ചപ്പാടുകൾ നൽകി, ബീഹാറിലെ ജനങ്ങൾക്ക് വ്യക്തമായ സന്ദേശം അയച്ചു,” സാമ്രാട്ട് ചൗധരി പറഞ്ഞു.

നിതീഷ് കുമാർ 18 വർഷമായി ബിഹാറിൻ്റെ വികസനത്തിനായി പ്രവർത്തിച്ചിട്ടു ണ്ടെന്നും ഭാവിയിലും അത് ചെയ്യുമെന്നും ചൗധരി പറഞ്ഞു. കുമാർ എൻഡിഎയിലേക്ക് മടങ്ങിയതിന് ശേഷം മൗനം പാലിച്ച ലാലു പ്രസാദ്, അദ്ദേഹം തിരിച്ചുവരട്ടെ എന്ന് പറഞ്ഞതിന് പിന്നാലെയാണ് ബിഹാർ ഉപമുഖ്യമന്ത്രിയുടെ പ്രതികരണം. രാഹുൽ ഗാന്ധി നയിക്കുന്ന ഭാരത് ജോഡോ യാത്രയുടെ ബിഹാർ പര്യടനം അവസാന ദിവസ ത്തിലേക്ക് എത്തി. സസാറം ജില്ലയിൽ നിന്ന് യാത്ര കൈമൂർ ജില്ല വഴി ഉത്തർപ്രദേ ശിലേക്ക് പ്രവേശിക്കും. ബീഹാറിൽ നിന്ന് യുപിയിലേക്ക് കടക്കുന്നതിന് മുമ്പ് ജീപ്പിൽ സഞ്ചരിക്കുന്ന രാഹുൽ ഗാന്ധിയുടെയും രാഷ്ട്രീയ ജനതാദളിന്റെ തേജസ്വി യാദവിന്റെയും ചിത്രം പുറത്തുവന്നിരുന്നു.