ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
മലയാളമിത്രം വെബ് ഡസ്ക് 
ഉരുൾപൊട്ടലിൽ തകർന്ന വയനാടിന് സഹായ ഹസ്തവുമായി തെലുങ്ക് സൂപ്പർ താരം അല്ലു അർജുൻ. ദുരിതാശ്വാസ പ്രവര്ത്തനങ്ങള്ക്കായി മുഖ്യമ ന്ത്രിയുടെ ദുരിതാശ്വാസ നിധിയിലേക്ക്(CMDRF) 25 ലക്ഷം രൂപ താരം സംഭാവന ചെയ്തു. ഇക്കാര്യം തന്റെ എക്സ് പോസ്റ്റിലൂടെയാണ് താരം അറിയിച്ചത്. നേരത്തെ 2018 പ്രളയ കാലത്തും അല്ലു അര്ജുന് കേരളത്തിന് സഹായം നൽകിയിരുന്നു.
‘വയനാട്ടിൽ ഈയിടെയുണ്ടായ ഉരുൾപൊട്ടലിൽ ഞാൻ അതീവ ദുഃഖിതനാണ്. കേരളം എല്ലായ്പ്പോഴും എനിക്ക് വളരെയധികം സ്നേഹം തന്നിട്ടുണ്ട്, പുനരധിവാസ പ്രവർത്തനങ്ങളെ സഹായിക്കാൻ കേരള മുഖ്യമന്ത്രിയുടെ ദുരിതാശ്വാസ നിധിയി ലേക്ക് 25 ലക്ഷം രൂപ സംഭാവന ചെയ്തുകൊണ്ട് എന്റെ പരമാവധി ചെയ്യാൻ ഞാൻ ആഗ്രഹിക്കുന്നു. എല്ലാവരുടെയും സുരക്ഷയ്ക്കായി പ്രാര്ത്ഥിക്കുന്നു’ – അല്ലു അര്ജുന് എക്സ് പോസ്റ്റില് കുറിച്ചു.
ഇന്നലെ മുഖ്യമന്ത്രി പിണറായി വിജയന്റെ കൊച്ചുമകന് ഇഷാന് വിജയ് തന്റെ സമ്പാദ്യത്തില്നിന്ന് 12,530 രൂപ ദുരിതാശ്വാസ നിധിയിലേക്ക് നല്കി. മുഖ്യമന്ത്രിയുടെ ഓഫീസിലെത്തി നേരിട്ടാണ് ഇഷാന് തുക കൈമാറിയത്. പിണറായി വിജയന്റെ മകള് വീണാ വിജയന്റെ മകനാണ് ഇഷാന്. ഇത് കൂടാതെ പുതുച്ചേരിയിലെ എം.എല്.എയും വയനാടിനായി ഒരു മാസത്തെ ശമ്പളം ദുരിതാശ്വാസനിധിയിലേക്ക് കൈമാറി. കതർകാമം എം.എല്.എ. കെ.പി.എസ്. രമേഷാണ് തന്റെ ഒരുമാസത്തെ ശമ്പളമായ 48,450 രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്കിയത്.
ചലച്ചിത്രതാരവും പടന്ന ഗ്രാമപഞ്ചായത്ത് അംഗവുമായ പി.പി. കുഞ്ഞികൃഷ്ണന് ഒരുമാസത്തെ പെന്ഷന് തുകയാണ് ദുരിതാശ്വാസനിധിയിലേക്ക് നല്കിയത്. മുന് എം.പിയും സി.പി.എം. നേതാവുമായ എ.എം. ആരിഫും ഒരുമാസത്തെ പെന്ഷന് തുകയായ 28,000 രൂപ സംഭാവന നല്കി.
മുന് പ്രതിപക്ഷനേതാവ് രമേശ് ചെന്നിത്തല ഒരു മാസത്തെ ശമ്പളമായ 50,000 രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്കി. സി.പി.എം. എം.എല്.എമാര് ഒരുമാസത്തെ ശമ്പളമായ 50,000 രൂപയും സി.പി.എം. എം.പിമാര് ഒരുമാസത്തെ ശമ്പളമായ ഒരുലക്ഷം രൂപയും ദുരിതാശ്വാസനിധിയിലേക്ക് നല്കും.
സാഹിത്യകാരന് ടി. പത്മനാഭന് അഞ്ച് ലക്ഷം രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്കും. ചലച്ചിത്രതാരമായ ജോജു ജോര്ജും ഗായിക റിമി ടോമിയും അഞ്ച് ലക്ഷം രൂപവീതം നല്കാമെന്ന് അറിയിച്ചു.നടന് സൗബിൻ ഷാഹിർ ദുരിതാ ശ്വാസ നിധിയിലേക്ക് സംഭാവന നൽകി. 20 ലക്ഷം രൂപയാണ് നടൻ കൈമാറിയത്. അദ്ദേഹത്തിൻ്റെ ഉടമസ്ഥതയിലുള്ള പറവ ഫിലിംസ് എന്ന നിർമാണക്കമ്പനിയുടെ പേരിലാണ് തുക നൽകിയത്. യൂട്യൂബര്മാരായ ജിസ്മയും വിമലും രണ്ട് ലക്ഷം രൂപയാണ് മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്കുക. നായര് സര്വീസ് സൊസൈറ്റി (എന്.എസ്.എസ്) 25 ലക്ഷം രൂപ ദുരിതാശ്വാസ നിധിയിലേക്ക് നല്കി.
കോട്ടയം ഗവ. ഡെന്റല് കോളേജ് വിദ്യാര്ഥി യൂണിയന് – 45,000 രൂപ, കൊച്ചിന് കാന്സര് സെന്റര് – ഒരുലക്ഷം രൂപ, കേബിള് ടി.വി. ഓപ്പറേറ്റേഴ്സ് അസോസിയേഷന് – 10 ലക്ഷം രൂപ, പള്ളുരുത്തി സര്വീസ് സഹകരണ ബാങ്ക് – 10 ലക്ഷം രൂപ, തൃക്കാക്കര സഹകരണ ആശുപത്രി – 10 ലക്ഷം രൂപ, ട്രാവന്കൂര് കൊച്ചിന് കെമിക്കല്സ് (ടി.സി.സി) – 50 ലക്ഷം രൂപ, ദേശാഭിമാനി ജീവനക്കാര് – 50 ലക്ഷം രൂപ, അല് മുക്താദിര് ഗ്രൂപ്പ് – 10 ലക്ഷം രൂപ, ജോസ് ഗോള്ഡ് കോട്ടയം – രണ്ട് ലക്ഷം രൂപ, അറ്റ്ലസ് കിച്ചണ് ആന്ഡ് കമ്പനി സ്ഥാപ കന് ഷാജഹാനും ഇൻ്റീരിയര് എം.ഡി. ഷാജിത ഷാജിയും – ഒന്നരലക്ഷം , മുഹമ്മദലി (സീ ഷോര് ഗ്രൂപ്പ്) – 50 ലക്ഷം രൂപ എന്നിങ്ങനെയാണ് മുഖ്യമന്ത്രിയുടെ ദുരിതാശ്വാസ നിധിയിലേക്ക് ഇന്ന് വാഗ്ദാനം ചെയ്യപ്പെട്ട പ്രധാന സംഭാവനകള്.
നടി നയൻതാരയും ഭർത്താവ് വിഗ്നേഷ് ശിവനും 20 ലക്ഷം രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് കൈമാറിയിരുന്നു. ഇരുവരുടെയും നിർമ്മാണകമ്പനി യായ റൗഡി പിക്ച്ചേഴ്സിന്റെ അക്കൗണ്ടിൽ നിന്നാണ് പണം കൈമാറിയിരിക്കുന്നത്. വിഗ്നേഷ് ശിവൻ ഇക്കാര്യം സ്ഥിരീകരിച്ച് ഒരു പോസ്റ്റ് ഇൻസ്റ്റഗ്രാമിൽ അറിയിച്ചിട്ടുണ്ട്. മുഖ്യമന്ത്രിക്ക് അയച്ച കത്താണിത്.
കഴിഞ്ഞ ദിവസം ഫഹദ് ഫാസിലും നസ്രിയ നസീമും 25 ലക്ഷം രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്കിയിരുന്നു. സ്വന്തം നിര്മ്മാണ കമ്പനിയായ ഫഹദ് ഫാസില് ആന്ഡ് ഫ്രണ്ട്സിന്റെ ലെറ്റര്പാഡില് മുഖ്യമന്ത്രിക്ക് എഴുതിയ കത്ത് ഫഹദ് ഫേസ്ബുക്കിൽ പങ്കുവെച്ചു.
നേരത്തെ ദുരിതാശ്വാസ പ്രവര്ത്തനങ്ങള്ക്കായി ഒട്ടേറെ ചലച്ചിത്ര താരങ്ങൾ സംഭാവന നല്കിയിരുന്നു. മമ്മൂട്ടി, ദുല്ഖര് സല്മാന് എന്നിവര് ചേര്ന്ന് 35 ലക്ഷം, വിക്രം 20 ലക്ഷം, രശ്മിക മന്ദാന 10 ലക്ഷം, സൂര്യ, ജ്യോതിക, കാര്ത്തി എന്നിവർ ചേർന്ന് 50 ലക്ഷം എന്നിങ്ങനെ ആയിരുന്നു സഹായം. ഇന്നലെ തമിഴ് നടൻ വിക്രമും മുഖ്യമന്ത്രിയുടെ ദുരിതാശ്വാസ നിധിയിലേക്ക് 20 ലക്ഷം രൂപയുടെ സംഭാവന നൽകിയിരുന്നു. ഒട്ടേറെ പേരുടെ ജീവൻ പൊലിഞ്ഞ ഈ ദുരന്തത്തിലുള്ള തൻ്റെ വേദനയും അറിയിച്ച ശേഷമാണ് അദ്ദേഹം സംഭാവന നൽകിയത്.
നേരത്തെ ഉരുൾപൊട്ടലിൽ ദുരിതമനുഭവിക്കുന്നവരെ സഹായിക്കാൻ എല്ലാവരോടും അഭ്യർഥിച്ചുകൊണ്ടുള്ള മുഖ്യമന്ത്രി പിണറായി വിജയൻ്റെ ഫെയ്സ്ബുക്ക് പോസ്റ്റിനെ തിരെ സോഷ്യൽ മീഡിയയിൽ നടന്ന പ്രചാരണത്തെക്കുറിച്ച് പോലീസ് അന്വേഷണം ആരംഭിച്ചിരുന്നു. വ്യാഴാഴ്ച വയനാട് സൈബർ ക്രൈം പോലീസ് ഭാരതീയ ന്യായ സംഹിത (ബിഎൻഎസ്), ദുരന്തനിവാരണ നിയമത്തിലെ വിവിധ വകുപ്പുകൾ പ്രകാരം കേസെടുത്തു. ദുരിതാശ്വാസ പ്രവർത്തനങ്ങൾ തടസ്സപ്പെടുത്തുക എന്ന ഉദ്ദേശത്തോടെ സോഷ്യൽ മീഡിയയിൽ വ്യാജ പ്രചരണം നടത്തിയെന്നാരോപിച്ച് സൈബർ ക്രൈം പോലീസും അന്വേഷണം ആരംഭിച്ചിട്ടുണ്ട്.
