ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
ന്യൂസ് ബ്യൂറോ കൊച്ചി 
കൊച്ചി: അറബിക്കടലില് ലൈബീരിയന് ചരക്ക് കപ്പലായ എംഎസ്സി എല്സ 3 മുങ്ങിയതുമായി ബന്ധപ്പെട്ട് കേസെടുത്തെങ്കിലും ജീവനക്കാരില് ഭൂരിഭാഗത്തിനും കോവിഡ് ബാധിച്ചതിനാല് പൊലീസിന് ഇതുവരെ ഇവരുടെ മൊഴി രേഖപ്പെടുത്താന് സാധിച്ചിട്ടില്ല. ക്രൂ അംഗങ്ങള് കൊച്ചിയിലെ ഒരു ഹോട്ടലില് ക്വാറന്റൈനിലാണ്. ജീവനക്കാര് അടുത്തിടെ വൈദ്യപരിശോധനയ്ക്ക് വിധേയരായ തായും തുടര്ന്ന് ഇവരില് ഭൂരിഭാഗവും കോവിഡ് പോസിറ്റീവ് ആണെന്ന് കണ്ടെത്തിയതായും പൊലീസ് പറഞ്ഞു.
‘ഞങ്ങള് ഷിപ്പിങ് കമ്പനിയുമായി ബന്ധപ്പെട്ടിട്ടുണ്ട്, മിക്ക ക്രൂ അംഗങ്ങള്ക്കും നിലവില് രോഗബാധ യുണ്ടെന്ന് അവര് ഞങ്ങളെ അറിയിച്ചു. അവരുടെ മൊഴി രേഖപ്പെടുത്തുന്നതിന് അവരുടെ ആരോഗ്യം മെച്ചപ്പെടുന്നതുവരെ ഞങ്ങള് കാത്തിരിക്കും. അതേസമയം, അവശിഷ്ടങ്ങളെക്കുറിച്ചും കടലില് വീണ ചരക്ക് കണ്ടെയ്നറുകളെക്കുറിച്ചും കമ്പനിയില് നിന്ന് വിശദാംശങ്ങള് തേടിയിട്ടുണ്ട്.
കപ്പല് കൊച്ചി തുറമുഖത്തേക്ക് യാത്ര ആരംഭിക്കുന്നതിന് മുമ്പ് കപ്പലില് കയറ്റിയ കണ്ടെയ്നറുകള് സംബന്ധിച്ച് വിഴിഞ്ഞം തുറമുഖത്ത് നിന്നും വിശദാംശങ്ങള് തേടും’- പൊലീസ് ഉദ്യോഗസ്ഥന് പറഞ്ഞു. നിയമപരമായ നടപടിക്രമങ്ങള് പൂര്ത്തിയായിക്കഴിഞ്ഞാല് രാജ്യം വിടാന് അനുമതി തേടി ജീവനക്കാര് ക്ക് കോടതിയെ സമീപിക്കാമെന്നും ഉദ്യോഗസ്ഥന് കൂട്ടിച്ചേര്ത്തു.
