ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
മലയാളമിത്രം നാഷണല് ഡസ്ക് 
ന്യൂഡല്ഹി: പ്ലസ് ടു കോഴക്കേസില് മുസ്ലിം ലീഗ് നേതാവും മുന് എംഎല്എയുമായ കെ എം ഷാജിക്കെതിരായ സര്ക്കാരിന്റെ അപ്പീല് സുപ്രീംകോടതി തള്ളി. ഷാജിക്കെതിരായ വിജിലന്സ് കേസ് ഹൈക്കോടതി റദ്ദാക്കിയതിനെതിരെയാണ് സര്ക്കാര് സുപ്രീംകോടതിയില് അപ്പീല് നല്കിയത്. കേസില് ഇഡി നല്കിയ ഹര്ജിയും സുപ്രീംകോടതി തള്ളിയിട്ടുണ്ട്.
ഹൈക്കോടതി വിധിയില് ഇടപെടേണ്ട സാഹചര്യം ഇല്ലെന്ന് ജസ്റ്റിസ് അഭയ് എസ് ഓഖ അധ്യക്ഷനായ ബെഞ്ച് അപ്പീല് തള്ളിക്കൊണ്ട് വ്യക്തമാക്കി. വാക്കാലുള്ള പരാമര്ശങ്ങളല്ല, ശക്തമായ തെളിവുകളാണ് വേണ്ടതെന്ന് കോടതി അഭിപ്രായപ്പെട്ടു. 2014 ല് അഴീക്കോട് സ്കൂളില് പ്ലസ് ടു ബാച്ച് അനുവദിക്കാനായി കെ എം ഷാജി 25 ലക്ഷം രൂപ കോഴ വാങ്ങിയെന്നാണ് വിജിലന്സ് കേസ്. കേസ് രാഷ്ട്രീയപ്രേരിത മാണെന്നും, തനിക്കെതിരെ തെളിവില്ലെന്നുമായിരുന്നു ഷാജിയുടെ വാദം.
എന്നാല് രാഷ്ട്രീയപ്രേരിതമായ കേസ് അല്ലെന്നും ഷാജിക്കെതിരെ വ്യക്തമായ തെളിവുണ്ടെന്നുമാണ് സര്ക്കാര് വാദിച്ചത്. വിജിലന്സ് അന്വേഷണം പൂര്ത്തീക രിക്കുന്നതിന് മുമ്പാണ് ഹൈക്കോടതിയുടെ ഇടപെടലെന്നും സര്ക്കാര് അഭിഭാഷകന് പറഞ്ഞു. കോഴപ്പണം ഉപയോഗിച്ച് കെ എം ഷാജി ഭാര്യയുടെ പേരില് വീട് നിര്മ്മിച്ചുവെന്നായിരുന്നു ഇഡിയുടെ കണ്ടെത്തല്. അതിനാല് കേസ് റദ്ദാക്കിയ ഹൈക്കോടതി നടപടി ചോദ്യം ചെയ്താണ് ഇഡി സുപ്രീംകോടതിയെ സമീപിച്ചത്.
