ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
ജയൻ കൊടുങ്ങല്ലൂർ 
റിയാദ് : പുതിയതായി ചുമതലയേറ്റ സൗദിയിലെ യുഎഇ അംബാസഡര് മതർ സലീം അൽദഹേരി യുമായി കൂടിക്കാഴ്ച നടത്തി ലുലു സൗദി ഡയറക്ടര് മുഹമ്മദ് ഹാരിസ്. നിയുക്ത അംബാസഡറിനെ അഭിനന്ദനങ്ങള് അറിയിച്ച മുഹമ്മദ് ഹാരിസ് ഇരുരാജ്യങ്ങൾ തമ്മിലുള്ള സാമ്പത്തിക-വ്യാപാര ബന്ധങ്ങൾ കൂടുതൽ ശക്തിപ്പെടുത്തുന്നതിനുള്ള ലുലു ഗ്രൂപ്പിന്റെ പ്രതിബദ്ധത വ്യക്തമാക്കി.
യുഎഇ – സൗദി റീട്ടെയ്ല്, വ്യാപാര മേഖലകളിലെ ബന്ധം ശക്തിപ്പെടുത്തുന്നതില് നിര്ണ്ണായകമായി കൂടിക്കാഴ്ച
വ്യാപാര ബന്ധം വിപുലമാക്കല്, ഭക്ഷ്യ സുരക്ഷ മേഖലയെ പ്രോത്സാഹിപ്പിക്കല്, റീട്ടെയ്ല് മേഖലയുടെ വികസനം അടക്കം വിവിധ വിഷയങ്ങളില് ഇരുവരും ചര്ച്ച നടത്തി. സൗദി – യുഎഇ റീട്ടെയ്ല് മേഖലയുടെ വളര്ച്ചയിലടക്കം ലുലു ഗ്രൂപ്പ് വഹിക്കുന്നത് നിര്ണ്ണായക പങ്കെന്ന് യുഎഇ അംബാസഡര് വിലയിരുത്തി. സൗദി വിഷൻ 2030ല് ലുലു ഗ്രൂപ്പിന്റെ പങ്കാളിത്തത്തെ അദ്ദേഹം പ്രശംസിച്ചു. ജിസിസി മേഖലയിൽ കൂടുതൽ സഹകരണത്തിനായുള്ള പുതിയ സാധ്യതകൾ പരിശോധിക്കാനും കൂടിക്കാഴ്ച യില് ധാരണയായി.
