മാസപ്പിറവി ദൃശ്യമായില്ല; ഗൾഫ് രാജ്യങ്ങളിൽ ചെറിയ പെരുന്നാൾ വെള്ളിയാഴ്ച

ദുബായ്/റിയാദ്: മാസപ്പിറവി ദൃശ്യമാകാത്തതിനെ തുടർന്ന് സൗദി അറേബ്യ ഉൾപ്പെടെയുള്ള ഗൾഫ് രാജ്യങ്ങളിൽ ഈ വർഷത്തെ ചെറിയ പെരുന്നാൾ (ഈദുൽ ഫിതര്‍) വെള്ളിയാഴ്ച ആഘോഷിക്കും. ബുധനാഴ്ച വൈകുന്നേരം മാസപ്പിറവി നിരീക്ഷിച്ചെങ്കിലും എവിടെയും ദൃശ്യമാകാത്ത സാഹചര്യത്തി ലാണ് വ്യാഴാഴ്ച റമദാൻ 30 പൂർത്തിയാക്കി വെള്ളിയാഴ്ച പെരുന്നാൾ ആഘോഷിക്കാൻ തീരുമാനിച്ചത്.

ഒമാനിൽ മാസപ്പിറവി നിരീക്ഷണം പൂർത്തിയായ ശേഷം ഔദ്യോഗിക പ്രഖ്യാപനം ഉണ്ടാകും. സാധാരണയായി മറ്റ് ഗൾഫ് രാജ്യങ്ങളോടൊപ്പമോ അല്ലെങ്കിൽ തൊട്ടടുത്ത ദിവസമോ ആണ് ഒമാനിൽ പെരുന്നാൾ ആഘോഷിക്കാറുള്ളത്.

മുപ്പത് നോമ്പും പൂർത്തിയാക്കി വിശ്വാസികൾ പെരുന്നാളിനെ വരവേൽക്കാനുള്ള ഒരുക്കത്തിലാണ്. സംഘര്‍ഷ ഭീതിയിലും പ്രാര്‍ത്ഥനകളും ഒത്തുചേരലുകളുമായി പ്രവാസലോകം ഇനി ആഘോഷത്തി മിർപ്പിലാകും. വിവിധ രാജ്യങ്ങളിലെ പള്ളികളിലും മറ്റും പ്രത്യേക പെരുന്നാൾ നമസ്കാരത്തിനുള്ള ക്രമീകരണങ്ങൾ പൂർത്തിയായിക്കഴിഞ്ഞു.