ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
ന്യൂസ് ബ്യൂറോ തിരുവനന്തപുരം 
മലയാള സിനിമയിലെ മുത്തശ്ശി ആര് സുബ്ബലക്ഷ്മിയുടെ വിയോഗം മലയാളികളെ സങ്കടത്തിലാക്കിയിരിക്കുകയാണ്. ചിരിക്കുന്ന മുഖത്തോടെ സിനിമകളിൽ പ്രത്യക്ഷപ്പെട്ടിരുന്ന സംഗീതജ്ഞകൂടെയായ സുബ്ബലക്ഷ്മി ‘നന്ദനം’ സിനിമ യിലൂടെയാണ് അഭിനയരംഗത്തെത്തുന്നത്. മലയാളികള്ക്കു മറക്കാനാകാത്ത നിരവധിവേഷങ്ങൾ ചുരുക്കം സിനിമകളിലൂടെ സുബ്ബലക്ഷ്മി സമ്മാനിച്ചു.
സുബ്ബലക്ഷ്മിയെക്കുറിച്ചുള്ള ഓര്മകള് പങ്കുവയ്ക്കുകയാണ് കൊച്ചുമകള് സൗഭാഗ്യ വെങ്കിടേഷ് മുത്തശ്ശിയുടെ ആശുപത്രിയില് നിന്നുള്ള ചിത്രം പങ്കുവെച്ചുകൊണ്ടാണ് നര്ത്തകിയായ സൗഭാഗ്യ വികാരനിര്ഭരമായ കുറിപ്പ് സാമൂഹിക മാധ്യമങ്ങളില് പങ്കുവെച്ചത്. എല്ലാവരുടേയും പ്രാര്ഥനകള്ക്ക് സൗഭാഗ്യ നന്ദി പറയുകയും ചെയ്തു. നടിയും നര്ത്തകിയുമായ താരാ കല്യാണിന്റെ മകളാണ്സൗഭാഗ്യ.
‘എനിക്ക് മുത്തശ്ശിയെ നഷ്ടമായി. എന്റെ ശക്തിയുടെയും സ്നേഹത്തിന്റെയും 30 വർഷങ്ങൾ. എന്റെ അമ്മൂമ്മ, എന്റെ സുബ്ബു, എന്റെ കുഞ്ഞ്. എല്ലാവരുടേയും പ്രാർത്ഥനകൾക്ക് നന്ദി’ സൗഭാഗ്യ കുറിച്ചു. ഒട്ടേറെപ്പേരാണ് സുബ്ബലക്ഷ്മിയുടെ വിയോഗത്തിൽ അനുശോചനം അറിയിച്ച് എത്തുന്നത്. വ്യാഴാഴ്ച രാത്രി തിരുവനന്തപുരത്തെ സ്വകാര്യ ആശുപത്രിയിലായിരുന്നു സുബ്ബല ക്ഷ്മിയുടെ അന്ത്യം. ബാല്യകാലം മുതല് കലാരംഗത്ത് സജീവമായിരുന്നു. 1951-ല് ഓള് ഇന്ത്യ റേഡിയോയില് പ്രവര്ത്തനം ആരംഭിച്ചു. തെന്നിന്ത്യയിലെ ഓള് ഇന്ത്യ റേഡി യോയിലെ ആദ്യ വനിതാ കംമ്പോസറായിരുന്നു സുബ്ബലക്ഷ്മി.
2002ൽ ഇറങ്ങിയ രഞ്ജിത് ചിത്രം നന്ദനത്തിലെ വേശാമണിയമ്മയായാണ് സുബ്ബലക്ഷ്മി അഭിനയരംഗത്തേക്ക് എത്തിയത്. ഇതിനോടകം ചെറുതും വലുതുമായി അനേകം വേഷങ്ങളിലൂടെ ശ്രദ്ധ നേടി. മുത്തശ്ശി കഥാപാത്രങ്ങളെ മനോഹരമാക്കാന് നടിയ്ക്ക് സാധിച്ചിരുന്നു. തുടക്കകാലത്ത് കല്യാണരാമന്, ഗ്രാമഫോണ് തുടങ്ങിയ സിനിമക ളിലെ സുബ്ബലക്ഷ്മിയുടെ പ്രകടനം ഏറെ പ്രശംസ നേടിയിരുന്നു.
സിനിമയിലേക്ക് എത്തും മുമ്പ് ജവഹര് ബാലഭവനില് സംഗീത-നൃത്ത അദ്ധ്യാപിക യായിരുന്നു സുബ്ബലക്ഷ്മി. 1951 മുതല് ആകാശവാണിയിലും സ്ഥിരം സാന്നിധ്യമായി രുന്നു. ദക്ഷിണേന്ത്യയില് നിന്നുള്ള ആകാശവാണിയുടെ ആദ്യ വനിതാ സംഗീത സംവിധായികയെന്ന നേട്ടവും സുബ്ബലക്ഷ്മി സ്വന്തം പേരിൽ കുറിച്ചു. കർണാടക സംഗീത രംഗത്ത് ഏറെ പ്രഗത്ഭയായ സുബ്ബലക്ഷ്മി നിരവധി കച്ചേരികള് നടത്തി യിട്ടുണ്ട്. ഡബ്ബിംഗ് രംഗത്തും കഴിവ് തെളിയിച്ചു. സിനിമകൾക്കൊപ്പം ചില ടെലിഫി ലിമുകളിലും ആല്ബങ്ങളിലും സീരിയലുകളിലും സുബ്ബലക്ഷ്മി അഭിനയിച്ചിട്ടുണ്ട്.
