ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
മലയാളമിത്രം വെബ് ഡസ്ക് 
ന്യൂഡല്ഹി: എഴുത്തുകാരിയും സാമൂഹിക പ്രവര്ത്തകയുമായ സുധാ മൂര്ത്തിയെ രാഷ്ട്രപതി ദ്രൗപദി മുര്മു രാജ്യസഭയിലേക്ക് നാമനിര്ദേശം ചെയ്തു. പ്രധാനമന്ത്രി നരേന്ദ്ര മോഡി എക്സിലൂടെയാണ് ഇക്കാര്യം പങ്കുവെച്ചത്.
സുധാ മൂര്ത്തി രാജ്യസഭയിലേക്ക് നാമനിര്ദേശം ചെയ്യപ്പെട്ടതില് ആഹ്ലാദമുണ്ട്. രാജ്യസഭയിലെ അവരുടെ സാന്നിധ്യം നാരീശക്തിയുടെ ശക്തമായ തെളിവാണെന്നും പ്രധാനമന്ത്രി കുറിച്ചു.
ഇന്ഫോസിസ് കമ്പനി സഹസ്ഥാപകന് എന്.ആര്. നാരായണ മൂര്ത്തിയുടെ ഭാര്യയും ഇന്ഫോസിസ് ഫൗണ്ടേഷന്റെ മുന് ചെയര്പേഴ്സണുമാണ് സുധ. 2006 ല് രാജ്യം പത്മശ്രീ നല്കി ആദരിച്ചിട്ടുണ്ട്. 2023 ല് പത്മഭൂഷണും ലഭിച്ചു.
കന്നഡ, ഇംഗ്ലീഷ് ഭാഷകളില് സുധാ മൂര്ത്തി എഴുതാറുണ്ട്. ഹൗ ഐ ടോട്ട് മൈ ഗ്രാന്ഡ് മദര് ടു റീഡ്, മഹാശ്വേത, ഡോളര് ബഹു തുടങ്ങിയവയാണ് അവരുടെ പ്രധാന രചനകള്.
നിരവധി അനാഥാലയങ്ങള് സുധ സ്ഥാപിക്കുകയും ഗ്രാമീണ മേഖലയുടെ വികസനത്തിന് ആവശ്യമായ പ്രവര്ത്തനങ്ങളില് ഏര്പ്പെടുകയും ചെയ്തിട്ടുണ്ട്. ബ്രിട്ടീഷ് പ്രധാനമന്ത്രി ഋഷി സുനക്കിന്റെ ഭാര്യ അക്ഷത, രോഹന് മൂര്ത്തി എന്നിവരാണ് മക്കള്.
