ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
മലയാളമിത്രം വെബ് ഡസ്ക് 
ന്യൂഡല്ഹി: ഇന്ത്യന് റെയില്വേയില് ഇത് മാറ്റങ്ങളുടെ കാലമാണ്. ട്രെയിന് യാത്രകളിലും അടിസ്ഥാന സൗകര്യങ്ങളിലും ഉള്പ്പെടെ അനവധി മാറ്റങ്ങളാണ് പ്രാബല്യത്തില് വരുന്നത്.
ഇപ്പോഴിതാ ഏറ്റവും പുതിയ തീരുമാനം വന്നിരിക്കുന്നത് ട്രെയിനുകളിലെ സ്ലീപ്പര്, എ.സി കോച്ചുകളിലെ ലോവര് ബെര്ത്ത് സംബന്ധിച്ചാണ്. യാത്രക്കാര്ക്കായുള്ള സീറ്റ് വിഹിതത്തിലാണ് സുപ്രധാനമായ ഒരു മാറ്റം കൊണ്ടുവന്നിരിക്കുന്നത്.
കിടന്ന് യാത്ര ചെയ്യാനുള്ള സൗകര്യമുള്ള കോച്ചുകളില് ലോവര് ബെര്ത്തുകള്ക്കാണ് എല്ലായിപ്പോഴും ആവശ്യക്കാര് കൂടുതലുള്ളത്.
യാത്രക്കാരുടെ യാത്രാസുഖവും സൗകര്യവും കണക്കിലെടുത്ത് മുതിര്ന്ന പൗരന്മാര്, സ്ത്രീകള്, വികലാംഗര് എന്നിവര്ക്കുള്ള ലോവര് ബെര്ത്തുകളുടെ വിഹിതം ഇന്ത്യന് റെയില്വേ വര്ദ്ധിപ്പിച്ചതായി കേന്ദ്ര റെയില്വേ മന്ത്രി അശ്വിനി വൈഷ്ണവ് ലോക്സഭയില് അറിയിച്ചു. അപ്പര് ബെര്ത്ത്, മിഡില് ബെര്ത്ത് എന്നിവകളില് കയറാനുള്ള ഈ വിഭാഗങ്ങളുടെ ബുദ്ധിമുട്ട് കണക്കിലെടുത്താണ് പുതിയ പരിഹാരമാര്ഗം നിശ്ചയിച്ചിരിക്കുന്നത്.
സീറ്റ് വിഹിതത്തിന് ഒരു ഓട്ടോമാറ്റിക് സംവിധാനം ഒരുക്കുകയാണ് ഇന്ത്യന് റെയില്വേ. 45 വയസിന് മുകളില് പ്രായമുള്ള സ്ത്രീകള്, മുതിര്ന്ന പൗരന്മാര് (ആണ് 60 വയസിന് മുകളില്, പെണ് 58 വയസിന് മുകളില്) എന്നിവര്ക്ക് ഇവര് ബുക്കിംഗ് സമയത്ത് ആവശ്യപ്പെട്ടില്ലെങ്കിലും ലഭ്യത അനുസരിച്ച് ലോവര് ബെര്ത്ത് ലഭിക്കുന്നതാണ് പുതിയ സംവിധാനം. യാത്രയ്ക്കിടെ ലോവര് ബെര്ത്തുകള് ഒഴിഞ്ഞുകിടക്കുന്ന സാഹചര്യത്തില് മുതിര്ന്ന പൌരന്മാര്, വികലാംഗര്, ഗര്ഭിണികള് എന്നിവര്ക്ക് മുന്ഗണന നല്കും.
ഓട്ടോമാറ്റിക് സംവിധാനത്തിന്റെ ഭാഗമായി വിവിധ കമ്പാര്ട്മെന്റുകളില് മാറ്റിവയ്ക്കാന് ഉദ്ദശിക്കുന്ന ലോവര് ബെര്ത്തുകളുടെ എണ്ണം ചുവടെ
സ്ലീപ്പര്: ആറ് മുതല് ഏഴ് വരെ
തേര്ഡ് എസി: നാല് മുതല് അഞ്ച് വരെ
സെക്കന്റ് എസി: മൂന്ന് മുതല് നാല് വരെ
