ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
മലയാളമിത്രം ഗൾഫ് ഡസ്ക് 
റിയാദ്: വേള്ഡ് കസ്റ്റംസ് ഓര്ഗനൈസേഷന്റെ (ഡബ്ലുസിഒ) തലപ്പത്ത് ആദ്യമായി അറബ് വനിത നിയമിതയാവുന്നു. ഡബ്ലുസിഒയുടെ റീജ്യണല് ഇന്റലിജന്സ് ലെയ്സണ് ഓഫീസുകളുടെ (ആര്ഐഎല്ഒ) തലവനായി സൗദി വനിത മുനീറ അല് റഷീദ് തിരഞ്ഞെടുക്കപ്പെട്ടതായി സൗദി പ്രസ് ഏജന്സി റിപ്പോര്ട്ട് ചെയ്തു.
2025, 2026 വര്ഷങ്ങളിലേക്കാണ് നിയമനം. ജനുവരി 30 മുതല് ഫെബ്രുവരി ഒന്നു വരെ ബെല്ജിയത്തിന്റെ തലസ്ഥാനമായ ബ്രസല്സിലെ ഡബ്ലുസിഒ ആസ്ഥാനത്ത് നടന്ന ആര്ഐഎല്ഒയുടെ 31-ാമത് ഗ്ലോബല് മീറ്റിംഗിലാണ് മുനീറ അല് റഷീദിനെ തെരഞ്ഞടുത്തത്.
ഏകദേശം 20 വര്ഷത്തെ അനുഭവപരിചയമുള്ള മുനീറ സൗദി സകാത്ത്, ടാക്സ് ആന്ഡ് കസ്റ്റംസ് അതോറിറ്റിയില് മിഡില് ഈസ്റ്റിനായുള്ള ആര്ഐഎല്ഒയുടെ വൈസ് പ്രസിഡന്റും ഡയറക്ടറുമായി സേവനമനുഷ്ഠിച്ചിട്ടുണ്ട്. നയരൂപീകരണം, മാനവ വിഭവശേഷി മാനേജ്മെന്റ്, തന്ത്രപരമായ പങ്കാളിത്തം വികസിപ്പിക്കല് തുടങ്ങി വിവിധ മേഖലകളില് അസാധാരണമായ കഴിവുകള് പ്രകടിപ്പിച്ചു.
വിവിധ അന്താരാഷ്ട്ര ഫോറങ്ങളില് മിഡില് ഈസ്റ്റിലെ 11 പ്രാദേശിക ഓഫീസുകളെ പ്രതിനിധീകരിക്കുന്നതിലും അവയുടെ പ്രവര്ത്തനങ്ങളുടെ മേല്നോട്ടം വഹിക്കു ന്നതിലും നേതൃപരമായ പങ്കുവഹിച്ചു. ഓഫീസുകളെ പ്രതിനിധീകരിച്ച് വിവിധ മീറ്റിംഗുകളിലും കോണ്ഫറന്സുകളിലും വര്ക്ക് ഷോപ്പുകളിലും പങ്കെടുത്തിട്ടുണ്ട്.
