ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
മലയാളമിത്രം ഗൾഫ് ഡസ്ക് 
കുവൈറ്റ് സിറ്റി: വിശ്വാസികൾ പവിത്രമെന്ന് കരുതുന്ന സംസം വെള്ളത്തിൻ്റെ പേരിലും തട്ടിപ്പ്. കുവൈറ്റിലാണ് ഇത്തരമൊരു സംഭവം റിപ്പോർട്ട് ചെയ്യപ്പെട്ടത്. കുവൈറ്റ് വാണിജ്യ വ്യവസായ മന്ത്രാലയത്തിന്റെ നേതൃത്വത്തിൽ നടന്ന പരിശോധനയിലാണ് ഞെട്ടിക്കുന്ന സംഭവം കണ്ടെത്തിയത്. വ്യാപാര സ്ഥാപനത്തിൽ വില്പനയ്ക്ക് എത്തിച്ച മായം കലർന്ന സംസം വെള്ളത്തിന്റെ ആയിരക്കണക്കിന് ബോട്ടിലുകൾ വാണിജ്യ വ്യവസായ മന്ത്രാലയത്തിന്റെ നിരീക്ഷണ, പരിശോധനാ സ്ക്വാഡുകൾ കണ്ടെത്തുകയായിരുന്നു. ഇത്തരം ഏകദേശം 23,000 കുപ്പികള് പരിശോധന സംഘം പിടിച്ചെടുത്തു.
മന്ത്രാലയത്തിൻ്റെ ഹവല്ലി ഗവർണറേറ്റിലെ ഇന്സ്പെക്ഷന് യൂണിറ്റിലെ സൂപ്പര് വൈസറി ടീമാണ് സംസം വെള്ളത്തിൻ്റെ പേരിലുള്ള ഈ തട്ടിപ്പ് കണ്ടെത്തിയത്. വ്യാപാരസ്ഥാപനത്തിന്റെ ഗോഡൗണിൽ നടത്തിയ പരിശോധനയിൽ മായം കലർന്ന സംസം വെള്ളത്തിൻറെ ആയിരക്കണക്കിന് ബോർഡുകൾ ഒളിപ്പിച്ചുവെച്ചതായി കണ്ടെത്തുകയായിരുന്നു. 200 മില്ലിമീറ്റര് വലിപ്പമുള്ള ഓരോ കുപ്പികളിലും മായം കലര്ന്ന സംസം വെള്ളമുണ്ടെന്ന് തുടർന്ന് നടത്തിയ പരിശോധനയിൽ കണ്ടെത്തി.
ലോകമെമ്പാടുമുള്ള മുസ്ലിംകൾ പുണ്യമുള്ളതായി കാണുന്ന സംസം വെള്ളത്തിന്റെ പേരിൽ തട്ടിപ്പ് നടത്തിയ സംഘത്തിനെതിരെ ശക്തമായ നടപടികൾ സ്വീകരിക്കു മെന്ന് കുവൈറ്റ് വാണിജ്യ വ്യവസായ മന്ത്രാലയം തങ്ങളുടെ എക്സ് പ്ലാറ്റ്ഫോമിൽ നൽകിയ പോസ്റ്റിൽ വ്യക്തമാക്കി. നിയമലംഘനം നടത്തിയവർക്കെതിരായ നടപടികൾ പുരോഗമിക്കുകയാണ്.
പൊതുജനാരോഗ്യം സംരക്ഷിക്കുന്നതിലും വാണിജ്യ വസ്തുക്കളുടെ സമഗ്രത ഉറപ്പാക്കുന്നതിലും ജാഗ്രതയോടെയുള്ള മേല്നോട്ടത്തിന് മന്ത്രാലയം പ്രതിജ്ഞാബദ്ധ മാണ്. രാജ്യത്ത് ഉപഭോക്തൃ സുരക്ഷ നിലനിര്ത്തുന്നതിനും വിപണിയില് വ്യാജ ഉല്പ്പന്നങ്ങളുടെ പ്രചാരം തടയുന്നതിനുമുള്ള മന്ത്രാലയത്തിന്റെ തുടര്ച്ചയായ ശ്രമങ്ങളുടെ ഭാഗമായാണ് ഈ ഇടപെടലെന്നും മന്ത്രാലയം അറിയിച്ചു.
