ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
ന്യൂസ് ബ്യൂറോ തിരുവനന്തപുരം 
തിരുവനന്തപുരം: തിരുവനന്തപുരത്ത് ഒരാള്ക്ക് കൂടി അമീബിക് മസ്തിഷ്ക ജ്വരം സ്ഥിരീകരിച്ചു. നാവായിക്കുളം സ്വദേശിയായ 24 കാരിക്കാണ് രോഗബാധ സ്ഥിരീകരിച്ചത്. യുവതി തിരുവനന്തപുരം മെഡിക്കല് കോളജ് ആശുപത്രിയില് ചികിത്സയിലാണ്.
സംസ്ഥാനത്ത് സ്ത്രീക്ക് അമീബിക് മസ്തിഷ്കജ്വരം സ്ഥിരീകരിക്കുന്നത് ഇതാദ്യമാ യിട്ടാണ്. വീടിന് സമീപത്തുള്ള കനാലില് കുളിച്ചതിനെത്തുടര്ന്നാണ് യുവതിക്ക് രോഗബാധയുണ്ടായതെന്നാണ് വിവരം. യുവതിയുമായി സമ്പര്ക്കത്തിലേര്പ്പെട്ടവരെ കണ്ടെത്താന് ശ്രമം നടത്തിവരികയാണെന്ന് ഡോക്ടര്മാര് അറിയിച്ചു.
ഇതോടെ, തിരുവനന്തപുരത്ത് അമീബിക് മസ്തിഷ്കജ്വരം ബാധിച്ചവരുടെ എണ്ണം എട്ടായി. ഒരാള് മരിച്ചു. ശേഷിക്കുന്നവര് മെഡിക്കല് കോളജില് ചികിത്സയിലാണ്. തിരുവനന്തപുരത്തെ നെല്ലിമൂട്, പേരൂര്ക്കട, നാവായിക്കുളം എന്നീ പ്രദേശങ്ങളില് നിന്നുള്ളവരാണ് ചികിത്സയിലുള്ളത്.
രോഗലക്ഷണങ്ങൾ
- പനി
- തലവേദന
- മസ്തിഷ്കത്തിലെ വീക്കം
- മൂക്കിൽ നിന്ന് ദ്രാവകം ഒഴുകുക
- ആശയക്കുഴപ്പം
- പെട്ടെന്നുള്ള സ്വഭാവമാറ്റങ്ങൾ
- കഴുത്തിലെ പേശികളുടെ കട്ടി
പ്രതിരോധം
- വെള്ളം മൂക്കിലൂടെ പോകാതിരിക്കാൻ ശ്രദ്ധിക്കുക.
- ചൂടുള്ള, പൊടിപടലമുള്ള മണ്ണുമായി നേരിട്ട് സമ്പർക്കം ഒഴിവാക്കുക.
- അണുബാധ സംഭവിച്ചേക്കാവുന്ന പ്രദേശങ്ങളിൽ വെള്ളത്തിൽ മുങ്ങിക്കുളിക്കുന്നത് ഒഴിവാക്കുക.
