ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
മലയാളമിത്രം ഗൾഫ് ഡസ്ക് 
റിയാദ്: സൗദി തലസ്ഥാന നഗരമായ റിയാദിലെ റോഡുകളുടെ ഗുണനിലവാരം മെച്ച പ്പെടുത്തുന്നതിനായി 600 കോടി റിയാൽ മൂല്യമുള്ള അഞ്ച് കരാറുകളിൽ ഒപ്പുവെ ച്ചതായി റിയാദ് റീജിയൻ മേയർ അറിയിച്ചു. അഞ്ച് വർഷത്തിനിടയിൽ റോഡ് വികസന പദ്ധതികൾ പൂർത്തീകരിക്കാനാണ് കരാർ നൽകിയിരിക്കുന്നത്. റിയാദിൽ വലിയ തൊഴിലവസരങ്ങൾക്ക് ഈ റോഡ് വികസന പദ്ധതികൾ വഴിവെക്കുമെന്നാണ് പ്രതീക്ഷിക്കപ്പെടുന്നത്. പ്രവാസികൾ ഉൾപ്പെടെയുള്ളവർക്ക് വലിയ അവസരങ്ങളാണ് ഇതോടെ രാജ്യത്ത് തുറക്കപ്പെടുന്നത്.
രാജ്യത്തെ ഗതാഗത അനുഭവം മെച്ചപ്പെടുത്തുന്നതിനുള്ള തന്ത്രപരമായ പദ്ധതികളുടെ വിപുലീകരണത്തിന്റെ ഭാഗമാണ് പദ്ധതി. 83 ദശലക്ഷം ചതുരശ്ര മീറ്റർ റോഡാണ് പദ്ധതിയുടെ ഭാഗമായി വികസിപ്പിക്കുന്നത്. കാര്യക്ഷമതയുടെയും സുസ്ഥിരതയു ടെയും മികച്ച അന്താരാഷ്ട്ര മാനദണ്ഡങ്ങൾക്ക് അനുസൃതമായി റിയാദിലെ ഗതാഗത സംവിധാനങ്ങളുടെ മുഖച്ഛായ മാറ്റിയെടുക്കാൻ ഇതിലൂടെ സാധിക്കുമെന്ന് അധികൃതർ വ്യക്തമാക്കി.
റോഡുകളുടെ ഗുണനിലവാരം മെച്ചപ്പെടുത്തുന്നതിനും നഗരത്തിനുള്ളിൽ സുരക്ഷിതമായ ഗതാഗത അനുഭവം സമ്മാനിക്കുന്നതിനും ലക്ഷ്യമിട്ടുള്ളതാണ് പദ്ധതി. റോഡ് ശൃംഖല മെച്ചപ്പെടുത്തുന്നതിലൂടെ നൽകുന്ന സേവനങ്ങളുടെ കാര്യക്ഷമതയും സുസ്ഥിരതയും വർധിപ്പിക്കാനും നവീകരിക്കാനും സാധിക്കുമെന്ന് അധികൃതർ വ്യക്തമാക്കി. നഗരത്തിലെ താമസക്കാർക്കും സന്ദർശകർക്കും മികച്ച സേവനം നൽകുന്നതിനായി 2028 ഓടെ ബന്ധപ്പെട്ട അധികാരികളുടെ ഏകോപനത്തോടെ പദ്ധതികൾ നടപ്പിലാക്കും.
തലസ്ഥാനത്തെ റോഡുകളുടെയും തെരുവുകളുടെയും സമ്പൂർണ സർവേയുടെ അടിസ്ഥാനത്തിലാണ് പുതിയ റോഡ് വികസന പദ്ധതി തയ്യാറാക്കിയിരിക്കുന്നത്. നഗരത്തെ വടക്ക്, തെക്ക്, കിഴക്ക്, പടിഞ്ഞാറ്, മധ്യമേഖല എന്നിവയുൾപ്പെടെ അഞ്ച് സോണുകളായി വിഭജിച്ചാണ് പദ്ധതി നടപ്പിലാക്കുക. നിലവിലുള്ള റോഡുകളുടെ ഗുണനിലവാരം മെച്ചപ്പെടുത്തൽ, സുരക്ഷാ മാനദണ്ഡങ്ങൾ, അറ്റകുറ്റപ്പണികൾ തുടങ്ങിയ പ്രവൃത്തികൾ ഏറ്റവും പുതിയ സാങ്കേതികവിദ്യകൾ ഉപയോഗിച്ചായിരി ക്കും സാധ്യമാക്കുക.
ലോകത്തിലെ ഏറ്റവും സുസ്ഥിര നഗരങ്ങളിലൊന്നായി റിയാദിനെ മാറ്റുന്നതിനും അടിസ്ഥാന സൗകര്യങ്ങളുടെ കാര്യക്ഷമത വർധിപ്പിക്കുന്നതിനും റിയാദ് മേഖലയിലെ അടിസ്ഥാന സൗകര്യ വികസന പദ്ധതികൾ മെച്ചപ്പെടുത്തുന്നതിനുള്ള ഭരണകൂടത്തി ന്റെ ലക്ഷ്യമനുസരിച്ച്, കിങ്ഡം വിഷൻ 2030ന്റെ ലക്ഷ്യങ്ങൾ കൈവരിക്കുന്നതിന്റെ ഭാഗമായാണ് റോഡ് വികസന പദ്ധതികൾ നടപ്പിലാക്കി വരുന്നത്.
