കെ പി സി സി ജനറൽ സെക്രട്ടറിമാരാരായ അഡ്വ .പഴകുളം മധു ,പി .എ സലിം എന്നിവർ സൗദി അറേബ്യയയിൽ എത്തുന്നു .

ദമ്മാം : ഓ ഐ സി സി യുടെ സൗദി അറേബിയയിലെ സംഘടനാ നേതാക്കളെ നേരിൽ കാണുന്നതിനും സംഘടനാ പ്രവർത്തനങ്ങൾ കൂടുതൽ മികവുറ്റതും ശക്തമാക്കുന്നതിന്റെയും ഭാഗമായി സൗദി ഓ ഐ സി സി യുടെ ചുമതല വഹിക്കുന്ന .കെ പി സി സി ജനറൽ സെക്രട്ടറിമാരാരായ അഡ്വ .പഴകുളം മധു ,പി .എ സലിം എന്നിവർ സൗദി അറേബിയയിൽ എത്തിച്ചേരും ,ഡിസംബർ പതിനാറിന് തിങ്കളാഴ്ച റിയാദിൽ എത്തുന്ന നേതാക്കന്മാർ റിയാദ് , ജിദ്ദ , ദമ്മാം റീജിണൽകമ്മറ്റിയിലെ നേതാക്കന്മാരെയും പ്രവിശ്യയിലെ മുതിർന്ന സംഘടനാ നേതാക്കളെയും കണ്ടു ആശയവിനിമയം നടത്തും

ഓ ഐ സി സി യുടെ പ്രവർത്തനങ്ങൾ വിദേശ രാജ്യങ്ങളിൽ കൂടുതൽ വിശാലമാക്കുക എന്ന ലക്ഷ്യത്തോടെ കെ പി സി സി പ്രസിഡണ്ട് ശ്രീ.കെ സുധാകരൻ .എം പി യുടെ നിർദ്ദേശം അനുസരി ച്ചാണ് കെ പി സി സി നേതാക്കൾ സൗദിയിൽ എത്തുന്നത് ,ഒരാഴ്ചക്കാലത്തോളം കെ പി സി സി നേതാക്കൾ സൗദി യുടെ വിവിധ പ്രദേശങ്ങളിൽ റീജിനൽകമ്മറ്റികൾ സംഘടിപ്പിക്കുന്ന നേതൃ യോഗങ്ങളിൽ സംബന്ധിച്ച് പ്രവർത്തകരും നേതാക്കളുമായി ആശയവിനിമയം നടത്തി ഭാവി പരിപാടികൾക്ക് രൂപം നൽകും ,

സംഘടനാ പരമായ നിർദ്ദേശങ്ങൾ ,അഭിപ്രായങ്ങൾ എന്നിവ നേതാക്കളുടെ ശ്രദ്ധയിൽപ്പെടുത്തുവാൻ ആഗ്രഹിക്കുന്നവർ ഈ അവസരം ഉപയോഗപ്പെടുത്തണമെന്ന് അഭ്യർത്ഥിക്കുന്നു . നേതാക്കളുടെ സന്ദർശനവുമായി ബന്ധപ്പെട്ട മറ്റു വിവരങ്ങൾക്ക് റീജിണൽ കമ്മിറ്റി പ്രസിഡന്റുമാരുമായി ബന്ധപെട ണമെന്ന് ഓ ഐ സി സി സൗദി നാഷണല്‍ പ്രസിഡണ്ട്‌ ബിജു കല്ലുമല അറിയിച്ചു