മലയാളമിത്രം ഗൾഫ് ഡസ്ക് 
റിയാദ്: വാട്സ്ആപ്പ് പോലുള്ള ഇൻസ്റ്റൻ്റ് മെസേജിങ് ആപ്ലിക്കേഷനുകൾ വഴി ഉപഭോക്താക്കളുമായി ആശ യവിനിമയം നടത്തരുതെന്ന് സൗദി സെൻട്രൽ ബാങ്ക് രാജ്യത്തെ പ്രാദേശിക ബാങ്കുകൾക്ക് നിർദ്ദേശം നൽകിയതായി പ്രാദേശിക മാധ്യമങ്ങൾ റിപ്പോർട്ട് ചെയ്തു. ഇത്തരം ഓൺലൈൻ മെസേജിങ് ആപ്പുക ളുടെ വിശ്വാസ്യതയെയും സുരക്ഷാ അപകടസാധ്യതകളെയും കുറിച്ചുള്ള ആശങ്കകൾ ചൂണ്ടിക്കാട്ടി യാണ് വാട്സ്ആപ്പ് ഉൾപ്പെടെയുള്ള ആപ്പുകൾ വഴി ഉപഭോക്താക്കൾക്ക് സന്ദേശം കൈമാറുന്നതിൽ നിന്ന് ബാങ്കുകൾക്ക് വിലക്കേർപ്പെടുത്തിയിരിക്കുന്നത്.
സെൻട്രൽ ബാങ്കിൻ്റെ ഈ തീരുമാനം നിയന്ത്രണ അധികാരവുമായും ധനകാര്യ സ്ഥാപനങ്ങളുടെ സുര ക്ഷാ മാനദണ്ഡങ്ങൾ മെച്ചപ്പെടുത്തുന്നതിനുള്ള പ്രതിബദ്ധതയുമായും യോജിക്കുന്നതായും അധികൃതർ അറിയിച്ചു.വ്യക്തിഗത ഡാറ്റ സംരക്ഷണ ആവശ്യകതകൾ പാലിക്കുന്നുണ്ടെന്ന് ഉറപ്പാക്കു ന്നതിനൊപ്പം, ഇൻ-ആപ്പ് ലൈവ് ചാറ്റ് അല്ലെങ്കിൽ ചാറ്റ്ബോട്ട് സേവനങ്ങൾ പോലുള്ള സുരക്ഷിതമായ ബദലുകൾ സ്വീകരിക്കാൻ ബാങ്കുകളോട് സൗദി സെൻട്രൽ ബാങ്ക് അഭ്യർത്ഥിച്ചു. ഇവ ഉപയോഗിച്ച് ബാങ്കുകളുടെ പേരിൽ തട്ടിപ്പുകൾ പെരുകുന്ന സാഹചര്യത്തിലാണ് നിർദ്ദേശം.
പുതിയ നിർദ്ദേശങ്ങളെക്കുറിച്ച് ഉപഭോക്തൃ സേവനം, മാർക്കറ്റിങ് എന്നിവയിലുടനീളമുള്ള ജീവന ക്കാരെ സ്ഥാപനങ്ങൾ ബോധവൽക്കരിക്കണം. ഉപഭോക്തൃ അക്കൗണ്ടുകളിൽ നിന്ന് അംഗീകൃതമല്ലാത്ത കിഴിവുകളും ഡിസ്കൗണ്ടുകളും സൗദി സെൻട്രൽ ബാങ്ക് നിരോധിച്ചിട്ടുണ്ട്.
അതേസമയം, ജീവകാരുണ്യ സംഘടനകളെയും ഈ മേഖലയിൽ പ്രവർത്തിക്കുന്ന വ്യക്തികളെയും മറയാക്കി അവരുടെ പേരിൽ, സോഷ്യൽ മീഡിയ, മെസേജിങ് ആപ്പുകൾ വഴി സംഭാവനകൾ അഭ്യർഥി ക്കുകയും ആളുകളെ കബളിപ്പിച്ച് പണം തട്ടിയെടുക്കുകയും ചെയ്യുന്ന കേസുകൾ വർദ്ധിച്ചുവരുന്നതായി സൗദി ബാങ്കുകളിലെ മീഡിയ ആൻഡ് അവയർനെസ് കമ്മിറ്റി മുന്നറിയിപ്പ് നൽകി.വ്യാജ രേഖകളും സീലുകളും ഉപയോഗിച്ച് തട്ടിപ്പുകാർ ആളുകളെ വഞ്ചിക്കുകയും സാമ്പത്തിക സഹായം വാഗ്ദാനം ചെയ്ത് അവ ലഭ്യമാക്കുന്നതിനുള്ള നടപടിക്രമങ്ങൾക്കായി ഫീസ് ആവശ്യപ്പെടുകയും ചെയ്യുന്ന കേസുകളും കൂടി വരുന്നുണ്ടെന്നും അധികൃതർ അറിയിച്ചു.
സംഭാവനകൾ സുഗമമാക്കുന്നതിന് ഒരു ഔദ്യോഗിക സ്ഥാപനവും ഫീസോ പേയ്‌മെൻ്റുകളോ ആവശ്യ പ്പെടുന്നില്ലെന്ന് അറബ് നാഷണൽ ബാങ്കിലെ തട്ടിപ്പ് നിയന്ത്രണ മേധാവി റിമ അൽ ഖഹ്താനി വ്യക്ത മാക്കി. ബിൽ പേയ്‌മെൻ്റുകൾക്കായി സുരക്ഷിതമായ സദദ് സംവിധാനം ഉപയോഗിക്കാനും ഏതെങ്കിലും വഞ്ചനാപരമായ പ്രവർത്തനം ശ്രദ്ധയിൽ പെട്ടാൽ അക്കാര്യം ഉടനടി അവരുടെ ബാങ്കിൽ റിപ്പോർട്ട് ചെയ്യാനും അദ്ദേഹം ഉപഭോക്താക്കളോട് നിർദ്ദേശിച്ചു.
.
