ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
അന്താരാഷ്ട്ര ഡെസ്ക് 
ഫ്ളോറിഡ: ആക്സിയം 4 ബഹിരാകാശ ദൗത്യത്തിന്റെ ഭാഗമായുള്ള യാത്രയ്ക്കിലെ ഇന്ത്യക്കാര്ക്ക് നമസ്കാരം പറഞ്ഞ് ഇന്ത്യന് വ്യോമസേനാ ഗ്രൂപ്പ് കമാന്ഡര് ശുഭാംശു ശുക്ല. വിഡിയോ സന്ദേശത്തി ലൂടെയായിരുന്നു ശുഭാംശു ശുക്ല ഉള്പ്പെടെയുള്ളവര് ഭൂമിയുമായി സംവദിച്ചത്. ‘എല്ലാവര്ക്കും നമസ് കാരം, ബഹിരാകാശത്ത് നിന്നുള്ള നമസ്കാരം’ എന്ന വാചകത്തോടെ ആയിരുന്നു ശുഭാംശു ശുക്ല സംസാരിച്ച് തുടങ്ങിയത്. ‘ക്രൂ അംഗങ്ങള്ക്കൊപ്പം ബഹിരാകാശ യാത്രയുടെ ആവേശത്തിലാണ് ഞാന്. അത്ഭുതം എന്നതിന് അപ്പുറത്തേക്ക് മറ്റൊന്നും പറയാനില്ല. ഭ്രമണ പഥത്തില് നിന്നുള്ള ഭൂമിയുടെ കാഴ്ച അതീവ സുന്ദരമാണ്.
പുതിയ സാഹചര്യങ്ങളോട് പൊരുത്തപ്പെട്ടു വരികയാണ്. നന്നായി ഉറങ്ങാന് കഴിഞ്ഞു. ബഹിരാകാശ ത്ത് എങ്ങനെ നടക്കാമെന്നും ഭക്ഷണം കഴിക്കാമെന്നും ഒരു കുഞ്ഞിനെ പോലെ പഠിക്കുകയാണ്. തെറ്റുകള് വരുത്തുന്നത് നല്ലതാണ്, മറ്റുള്ളവര് അത് ചെയ്യുന്നത് കാണാനും’- ശുഭാംശു പറഞ്ഞു.
ഇന്നലെ ഉച്ചയ്ക്ക് 12.01 ന് ഫ്ളോറിഡയിലെ നാസ കെന്നഡി സ്പേസ് സെന്ററില് നിന്നായിരുന്നു ആക്സിയം 4 ദൗത്യത്തിന്റെ വിക്ഷേപണം. സ്പേസ് എക്സിന്റെ ഫാല്ക്കന് 9 റോക്കറ്റാണ് പേടകവുമായി കുതിച്ചത്. ഡ്രാഗണ് പേടകം ഇന്ത്യന് സമയം ഇന്ന് വൈകുന്നേരം 4.31 ന് അന്താരാഷ്ട്ര ബഹിരാകാശ നിലയത്തില് ഡോക്ക് ചെയ്യും.
ഇതോടെ അന്താരാഷ്ട്ര ബഹിരാകാശ നിലയത്തിലെത്തുന്ന ആദ്യ ഇന്ത്യക്കാരനാകും ശുഭാംശു ശുക്ല. രാകേഷ് ശര്മയ്ക്ക് ശേഷം ബഹിരാകാശത്ത് എത്തുന്ന രണ്ടാമത്തെ ഇന്ത്യാക്കാരനും. 14 ദിവസത്തെ ഗവേഷണ, നിരീക്ഷണങ്ങള്ക്ക് ശേഷം നാലംഗ സംഘം ഭൂമിയിലേക്ക് മടങ്ങും.
