ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
മലയാളമിത്രം ഗൾഫ് ഡസ്ക് 
തിരുവനന്തപുരം: തിരുവനന്തപുരം അന്താരാഷ്ട്ര വിമാനത്താവളത്തില് കുടുങ്ങിയ ബ്രിട്ടീഷ് യുദ്ധവിമാനം എഫ്-35 ന്റെ തകരാര് പരിഹരിച്ചു. ഹൈഡ്രോളിക് സംവിധാനത്തിന്റെയും ഓക്സിലറി പവര് യൂണിറ്റിന്റെയും തകരാറാണ് പരിഹരിച്ചത്. എന്ജിന്റെ കാര്യക്ഷമതയും പരിശോധിച്ച് ഉറപ്പ് വരുത്തി. തകരാര് പരിഹരിച്ചതോടെ ഈ മാസം 20 ന് ശേഷം തിരികെ പറക്കാനാണ് തീരുമാനം.
തിരിച്ച് പോക്കിനായി ബ്രിട്ടീഷ് നാവിക സേന മേധാവിയുടെ നിര്ദേശം കാത്തിരിക്കുകയാണ്. ഇക്കഴിഞ്ഞ ഞായറാഴ്ചയാണ് ബ്രിട്ടനില് നിന്നുള്ള വിദഗ്ധ സംഘം വിമാനത്തിന്റെ തകരാര് പരിഹരിക്കുന്നതിനായി തിരുവനന്തപുരത്ത് എത്തിയത്. ബ്രിട്ടീഷ് വ്യോമസേനയുടെ എര്ബസ് എ 400 എം വിമാനത്തിലായിരുന്നു സംഘം എത്തിയത്. പ്രത്യേക പരിശീലനം നേടിയ എന്ജീനിയര്മാര് അടക്കം സംഘത്തില് ഉണ്ടായിരുന്നു.
ഇക്കഴിഞ്ഞ ജൂണ് പതിനാലിനായിരുന്നു ബ്രിട്ടന്റെ അഞ്ചാം തലമുറ വിമാനമായ എഫ്-35 യുദ്ധ വിമാനം ഇന്ധനം തീര്ന്നതിനെ തുടര്ന്ന് തിരുവനന്തപുരം അന്താരാഷ്ട്ര വിമാനത്താവളത്തില് ഇറക്കിയത്. അറബിക്കടലിലെ സൈനികാഭ്യാസത്തിനായായിരുന്നു എഫ്-35 വിമാനം തിരുവനന്തപുരത്ത് എത്തിയത്. എച്ച്എംഎസ് പ്രിന്സ് ഓഫ് വെയില്സ് വിമാനവാഹിനി കപ്പലില് നിന്ന് പറന്നുയര്ന്ന് മണിക്കൂറുകള്ക്കുള്ളില് വിമാനത്തിന്റെ ഇന്ധനം തീരുകയും വിമാനം അടിയന്തരമായി തിരുവനന്ത പുരം അന്താരാഷ്ട്ര വിമാനത്താവളത്തില് ഇറക്കുകയായിരുന്നു.
വിദഗ്ധ പരിശോധനയില് വിമാനത്തിന്റെ ഹൈഡ്രോളിക് സംവിധാനത്തിലും സ്റ്റാര്ട്ടിങ് സംവിധാന ത്തിലും പ്രശ്നം കണ്ടെത്തിയിരുന്നു. ഇതോടെയാണ് വിമാനത്തിന്റെ മടക്കം നീണ്ടത്.
