കേളി ന്യൂസനയ്യ ഏരിയ ഒൻപതാമത് സമ്മേളന ലോഗോ പ്രകാശനം ചെയ്‌തു

റിയാദ് : പന്ത്രണ്ടാം കേളി കേന്ദ്ര സമ്മേളനത്തിന്റെ മുന്നോടിയായി ന്യൂസനയ്യ ഏരിയ ഒൻപതാമത് ഏരിയ സമ്മേളനം ഓഗസ്റ്റ് 8ന് നടത്തുവാൻ തീരുമാനിച്ചിരിക്കുകയാണ്.ന്യൂസനയ്യഏരിയ പ്രസിഡന്റ്‌ നിസാർ മണ്ണഞ്ചേരിയുടെ അധ്യക്ഷതയിൽ ചേർന്ന ലോഗോ പ്രകാശനാ ചടങ്ങിൽ കേളി കേന്ദ്ര കമ്മിറ്റി അംഗവും ഏരിയ ചാർജ് കാരനുമായ ഷാജിറസാഖ് ഏരിയ സെക്രട്ടറി ഷിബു തോമസിനു കൈമാറി ക്കൊണ്ട് ലോഗോ പ്രകാശനം ചെയ്തു.

ഏരിയ രക്ഷാധികാരി കൺവീനർ ബൈജു ബാലചന്ദ്രൻ , ഏരിയ രക്ഷാധികാരി സമിതി അംഗങ്ങളായ താജുദീൻ,അബ്ദുൽകലാം,അബ്ദുൽനാസർ,ഷാമൽരാജ്,സജീഷ്,സതീഷ്‌കുമാർ,മധുഗോപി, ഏരിയ കമ്മിറ്റി അംഗങ്ങളായ ഷൈജു ചാലോട്,കരുണാകരൻ മണ്ണടി ,രാജേഷ് കുമാർ,ബേബിചന്ദ്രകുമാർ എന്നിവർ അഭിവാദ്യംചെയ്ത് സംസാരിച്ചു. സംഘാടകസമിതി ചെയർമാൻ തോമസ് ജോയി സ്വാഗതവും സംഘാടകസമിതികൺവീനർ രാജേഷ് ഓണക്കുന്ന് നന്ദിയും പറഞ്ഞു.