വി.എസ്. പോരാളികളുടെ പോരാളി: മലയാളം മിഷൻ സൗദിഅറേബ്യ ചാപ്റ്റർ.

ജിദ്ദ: മുൻ മുഖ്യമന്ത്രിയും സമുന്നത രാഷ്ട്രീയ നേതാവുമായിരുന്ന വി.എസ്.അച്യുതാനന്ദൻ്റെ നിര്യാണ ത്തിൽ മലയാളം മിഷൻ സൗദിഅറേബ്യ ചാപ്റ്റർ കമ്മിറ്റി അനുശോചിച്ചു. മലയാളം മിഷൻ്റെ സ്ഥാപക നേതാവായ വി.എസ് കേരളത്തിൻ്റെ സമര പാരമ്പര്യത്തിൻ്റെ ഉജ്വല പ്രതീകവും പോരാളികളുടെ പോരാളിയുമായിരുന്നെന്ന്ചാപ്റ്റർ കമ്മിറ്റിയുടെ അനുശോചന സന്ദേശത്തിൽ പറഞ്ഞു.

പ്രവാസി വിഷയങ്ങളിൽ നിരന്തരം ഇടപെടുകയും പ്രവാസി ക്ഷേമ പദ്ധതികൾക്ക് അടിത്തറയിടുകയും ചെയ്ത അദ്ദേഹത്തിൻ്റെ വിയോഗം ലോകമെമ്പാടുമുള്ള മലയാളി സമൂഹത്തിന് കനത്ത നഷ്ടമാണ്. മലയാളിക്കും മലയാളത്തിനും പ്രിയങ്കരനായ വി.എസിൻ്റെ വിയോഗത്തിൽ അഗാധമായ ദുഖവും അനുശോചനവും ചാപ്റ്റർ ഭാരവാഹികൾ അറിയിച്ചു.താഹ കൊല്ലേത്ത് (ചെയർമാൻ), ജോമോൻ സ്റ്റീഫൻ (സെക്രട്ടറി).പ്രദീപ് കൊട്ടിയം (പ്രസിഡൻ്റ്), ഷിബു തിരുവനന്തപുരം (കൺവീനർ), മലയാളം മിഷൻ
സൗദി അറേബ്യ ചാപ്റ്റർ കമ്മിറ്റി.