ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
അന്താരാഷ്ട്ര ഡെസ്ക് 
കാബൂള്: അഫ്ഗാനിസ്ഥാനിലെ ഭൂകമ്പബാധിതര്ക്ക് സഹായമെത്തിച്ച് ഇന്ത്യ. ദുരന്തബാധിതര്ക്ക് ആദ്യ ഘട്ടമെന്നോണം താല്കാലികമായി താമസിക്കുവാനായി 1,000 ടെന്റുകളാണ് ഇന്ത്യ എത്തിച്ചത്. 15 ടണ് വരുന്ന ഭക്ഷ്യവസ്തുക്കള് ഇന്ത്യന് മിഷന്റെ സഹായത്തോടെ കാബൂളില് നിന്ന് കുനാറിലെത്തിക്കാനുള്ള ശ്രമങ്ങളും പുരോഗമിക്കുകയാണ്.
മറ്റ് ദുരിതാശ്വാസ സാമഗ്രികള് ഇന്ത്യയില് നിന്ന് ചൊവ്വാഴ്ചയോടെ അഫ്ഗാനിസ്ഥാനിലെത്തും. വിദേശ കാര്യ മന്ത്രി എസ്. ജയശങ്കറാണ് എക്സിലൂടെ ഇന്ത്യ നടത്തിയ ദുരിതാശ്വാസ പ്രവര്ത്തനങ്ങളുടെ വിവരങ്ങള് പങ്കുവച്ചത്. അഫ്ഗാന് വിദേശകാര്യ മന്ത്രി മൗലവി അമിര് ഖാന് മുതാഖിയുമായി അദേഹം സംസാരിച്ചു.
ഭൂചലനത്തെ തുടര്ന്നുണ്ടായ മരണങ്ങളില് അനുശോചനം രേഖപ്പെടുത്തി. പരിക്കേറ്റവര് എത്രയും വേഗം സുഖംപ്രാപിക്കട്ടെയെന്ന് പ്രാര്ത്ഥിക്കുന്നതായും ഈ പ്രതികൂല സാഹചര്യത്തില് അഫ്ഗാനിസ്ഥാനൊപ്പം ഇന്ത്യയുണ്ടാകുമെന്നും എസ്. ജയശങ്കര് എക്സില് കുറിച്ചു. അഫ്ഗാന് വിദേശകാര്യ മന്ത്രിയുമായി എസ്. ജയശങ്കര് ടെലിഫോണ് സംഭാഷണം നടത്തിയത് അഫ്ഗാനിസ്ഥാനിലെ വിദേശകാര്യമന്ത്രാലയവും സ്ഥിരീകരിച്ചിട്ടുണ്ട്. ഇന്ത്യ അഫ്ഗാനിസ്ഥാനിലെ ദുരിതബാധിതരെ സഹായിക്കുന്നതില് എസ്. ജയശങ്കറിന് മുതാഖി നന്ദി അറിയിച്ചു.
