ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
മലയാളമിത്രം വെബ് ഡസ്ക് 
പല തരത്തിലുളള കോഫികളെക്കുറിച്ച് നിങ്ങൾ കേട്ടിട്ടുണ്ടാകും. കോഫിയേക്കാൾ അത് നൽകുന്ന കപ്പിൽ പോലും വ്യത്യസ്തതകൊണ്ട് ശ്രദ്ധയാകർഷിക്കുകയും വില കൂട്ടുകയും ചെയ്യാറുണ്ട്. ഇപ്പോൾ ഇതാ ലോകത്തിലെ ഏറ്റവും വിലകൂടിയ കാപ്പി അവതരിപ്പിച്ചിരിക്കുകയാണ് ദുബായിലെ ജൂലിത് കഫേ.
3600 ദിർഹം അതായത് 87,000 രൂപയാണ് ഈ ഒരു കോഫിയുടെ വില. കടയുടെ ആഡംബരമോ അത് നൽകുന്ന കപ്പിന്റെ മൂല്യമോ അല്ല കോഫിയുടെ ഉയർന്ന വിലയ്ക്ക് കാരണം. കാപ്പിക്കുരുവിന്റെ സവിശേഷത മൂലമാണ് കോഫിയുടെ വില കൂട്ടാൻ കാരണം. പനാമയിൽ നിന്നുള്ള പ്രീമിയം കാപ്പിക്കുരുവാണ് നിഡോ 7 ഗെയ്ഷ. ഉയർന്ന ഗുണമേന്മയിലുള്ള വളരെ ചെറിയ അളവിൽ മാത്രം ലഭ്യമായ വിലയേറിയ കാപ്പിക്കുരുവാണിത്. ഇതാണ് വ്യത്യസ്തമായ ഈ കോഫിയിൽ ഉപയോഗിക്കുന്നത്.
ബാരു പർവതത്തിന്റെ ചരിവുകളിലാണ് ഈ അപൂർവ പനാമൻ കാപ്പിക്കുരു കാണപ്പെടുന്നത്. സാധാരണ കോഫിയിൽ നിന്ന് വ്യത്യസ്തമായി ജാസ്മിന്, സിട്രസ്, തേന്, സ്റ്റോണ് ഫ്രൂട്ട് എന്നിവയുടെയെല്ലാം രുചി ഈ കോഫിയിലുണ്ട്. എത്യോപ്യയില് വേരുകളുള്ള ഈ കാപ്പിക്കുരു 1930 കളില് കോസ്റ്ററിക്കയിലേക്കും പിന്നീട് പനാമയിലേക്കും എത്തുകയായിരുന്നു. ഒറ്റയടിക്ക് വിഴുങ്ങാതെ പകരം വളരെ പതിയെ ആസ്വദിച്ച് രുചിയറിഞ്ഞ് വേണം ഈ കോഫി കുടിയ്ക്കേണ്ടത്. ലോകത്തിന്റെ വിവിധ കോണുകളിൽൽ നിന്നും നിരവധി പേരാണ് കോഫി കുടിക്കാൻ ജൂലിത് കഫേയിലേക്ക് എത്തുന്നത്.
