റിയാദ് പട്ടാമ്പി കൂട്ടായ്മയ്ക്ക് പുതിയ നേതൃത്വം; അർഷാദ് പട്ടാമ്പി പ്രസിഡന്റ്, ഷെബിൻ അലി സെക്രട്ടറി

റിയാദ്: പ്രവാസലോകത്തെ ജീവകാരുണ്യ-സാമൂഹിക-സാംസ്കാരിക മേഖലകളിൽ സജീവ സാന്നിധ്യ മായ റിയാദ് പട്ടാമ്പി കൂട്ടായ്മയുടെ പുതിയ ഭാരവാഹികളെ തിരഞ്ഞെടുത്തു. 2026 ഫെബ്രുവരി 7-ന് റിയാദിൽ ചേർന്ന പൊതുയോഗത്തിലാണ് സമഗ്രമായ ചർച്ചകൾക്ക് ശേഷം പുതിയ നേതൃത്വത്തിന് രൂപം നൽകിയത്.പുതിയ ഭാരവാഹികൾ:പ്രസിഡന്റ്: അർഷാദ് പട്ടാമ്പി. സെക്രട്ടറി: ഷെബിൻ അലി. ട്രഷറർ: മുനവർ അലി വൈസ് പ്രസിഡന്റുമാർ: ഉനൈസ് പതിയിൽ, ഷഹബാസ് (ഷാമോൻ) ജോയിന്റ് സെക്രട്ടറിമാർ: നജീബ് പട്ടാമ്പി, മുഹമ്മദ് ഷമീം കൂട്ടായ്മയുടെ പ്രവർത്തനങ്ങൾക്ക് മാർഗനിർദ്ദേശം നൽകുന്ന അഡ്വൈസറി ബോർഡ് ചെയർമാനായി അഫ്സൽ പട്ടാമ്പിയെയും, വൈസ് ചെയർമാനായി ബാബു പി. ഹുസൈനെയും തിരഞ്ഞെടുത്തു.

പ്രവർത്തക സമിതി അംഗങ്ങൾ: അനീസ്, ഫാസിൽ മുനീർ, മുനീർ കെ.ടി., ഷിഹാദ് (സിയ), സദ്ദാം പട്ടാമ്പി, മുജീർ സി. അബ്ദുള്ള, അബ്ദുൽ റൗഫ്, ലത്തീഫ്, അസഹർ അലി, ഷാഫി ലിബർട്ടി എന്നിവരാണ് പുതിയ എക്സിക്യൂട്ടീവ് കമ്മിറ്റി അംഗങ്ങൾ.

റിയാദിലെ മലയാളി സമൂഹത്തിനിടയിൽ കുടുംബ സംഗമങ്ങൾ, സാംസ്കാരിക പരിപാടികൾ, ജീവ കാരുണ്യ സഹായങ്ങൾ എന്നിവയിലൂടെ ദീർഘകാലമായി പ്രവർത്തിക്കുന്ന സംഘടനയാണ് പട്ടാമ്പി കൂട്ടായ്മ. പുതിയ നേതൃത്വത്തിന്റെ കീഴിൽ സേവന പ്രവർത്തനങ്ങൾ കൂടുതൽ ശക്തിപ്പെടുത്താനും, പ്രവാസികൾക്കിടയിലെ ഐക്യവും സഹകരണവും വർദ്ധിപ്പിക്കാനുമാണ് ലക്ഷ്യമിടുന്നതെന്ന് യോഗം വിലയിരുത്തി. പട്ടാമ്പി നിവാസികളുടെ പ്രവാസലോകത്തെ ഈ പാരമ്പര്യം കൂടുതൽ കരുത്തോടെ മുന്നോട്ടുകൊണ്ടുപോകാനുള്ള പദ്ധതികൾക്ക് പുതിയ കമ്മിറ്റി രൂപം നൽകി.