ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
മലയാളമിത്രം ഗൾഫ് ഡസ്ക് 
റിയാദ്: കൊടുവള്ളി മണ്ഡലം മുന് എം എസ് എഫ് പ്രസിഡണ്ടും, യുവ എഴുത്തുകാരനുമായ റാഷിദ് സബാന് റിയാദ് കെ.എം.സി.സി കോഴിക്കോട് ജില്ലാ കെ.എം.സി.സി സ്വീകരണം നല്കി. മുസ്ലീം സമുദായത്തിന്റെ സാംസ്ക്കാരികമായ അസ്തിത്വത്തെ തകര്ക്കാനായിരുന്നു അധിനിവേശ കാലത്ത് ബ്രിട്ടീഷ്കാരും, പോര്ച്ചുഗീസുകാരും ലക്ഷ്യമിട്ടത്. അന്ന് എഴുത്തുകളിലൂടെയും മുസ്ലീം സാംസ്ക്കാരിക ചിഹ്നങ്ങളെ തച്ചുടച്ചുമാണ് സാംസ്ക്കാരിക അധിനിവേശം നടത്തിയതെങ്കില്, പുതിയ ഫാസിസ്റ്റ് കാലം, മാധ്യമങ്ങളെയും, തിരക്കഥകളെയും വാടകക്കെടുത്താണ് മുസ്ലീം സമുദായത്തെ അരിക് വല്ക്കരിക്കാനുള്ള ശ്രമം നടത്തുന്നതെന്ന് സ്വീകരണ യോഗത്തിൽ അദ്ദേഹം അഭിപ്രായപ്പെട്ടു.
ഇതിനെതിരെ സാസ്ക്കാരിക പ്രതിരോധത്തിന് മുസ്ലിം സമുദായം ശക്തരാവുകയും പുതിയ കാലത്തോടും, തലമുറയോടും മുസ്ലീലീഗിന്റെ സ്യഷ്ടിപരവും, ഉത്തരവാദിത്വപരവുമായ രാഷ്ട്രീയം പറയാനുള്ള ആശയപരമായ കരുത്ത് പ്രവര്ത്തകര് ഉണ്ടാക്കിയെടുക്കണമെന്നും അദ്ദേഹം ആഹ്വാനം ചെയ്തു.
സ്വീകരണ യോഗത്തില് റിയാദ് കെ.എം.സി.സി കോഴിക്കോട് ജില്ലാ പ്രസിഡണ്ട് മുഹമ്മദ് സുഹൈല് അധ്യക്ഷത വഹിച്ചു. റിയാദ് കെ.എം.സി.സി സെന്ട്രല് കമ്മിറ്റി ജനറല് സെക്രട്ടറി ശുഹൈബ് പനങ്ങാങ്ങര ഉദ്ഘാടനം ചെയ്തു. ഓര്ഗനൈസിംഗ് സെക്രട്ടറി സത്താര് താമരത്ത്, വൈസ് പ്രസിഡണ്ട് ശാഫി മാസ്റ്റര് തുവ്വൂര്, സെക്രട്ടറി ശമീര് പറമ്പത്ത് എന്നിവര് സംസാരിച്ചു. ജില്ലാ ജനറല് സെക്രട്ടറി ജാഫര്സാദിഖ് സ്വാഗതവും, ട്രഷറര് റാഷിദ് ദയ നന്ദിയും പറഞ്ഞു.
ജില്ലാ കെ.എം.സി.സി നേതാക്കളായ റഷീദ് പടിയങ്ങല്, ഫൈസല് പൂനൂര്, ഫൈസല് വടകര, ഗഫൂര് എസ്റ്റേറ്റ്മുക്ക്, ഖാദര് കാരന്തൂര്, മുഹമ്മദ് എന്.കെ, മുജീബ് മൂത്താട്ട്, നാസര് കൊടിയത്തൂര് എന്നിവര് പരിപാടിക്ക് നേത്യത്വം നല്കി
