ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
കാസര്കോട്: കാസര്കോട് ഭര്തൃവീട്ടുകാരുടെ മുന്നില്വെച്ച് യുവതി ആസിഡ് കുടിച്ച് ജീവനൊടുക്കി. ചര്ലടുക്ക സ്വദേശി ഫാത്തിമത്ത് സുഫൈദ (24) ആണ് മരിച്ചത്. ഭര്തൃവീട്ടുകാരുടെ പീഡനത്തെ തുടര്ന്നാണ് ആത്മഹത്യ ചെയ്തതെന്ന് യുവതിയുടെ കുടുംബം ആരോപിക്കുന്നു.
ഇന്നലെ ഉച്ചയ്ക്ക് മൂന്ന് മണിയോടെ പാണലത്താണ് സംഭവം. സുഫൈദയുടെ സ്വര്ണം ആവശ്യപ്പെട്ട് നിരന്തര പീഡനം ഉണ്ടായിരുന്നതായും കുടുംബം ആരോപിച്ചു. വിദ്യാനഗര് പൊലീസില് കുടുംബം പരാതി നല്കിയിട്ടുണ്ട്. ഭര്ത്താവ് ആദിലിനെ പൊലീസ് കസ്റ്റഡിയിലെടുത്ത് ചോദ്യം ചെയ്ത് വരികയാണ്.
നാളെ ഇരുവരുടെയും വിവാഹത്തിന്റെ ഒന്നാം വാര്ഷികമാണ്. സുഫൈദയുടെ സ്വര്ണവുമായി ബന്ധപ്പെട്ട് ഭര്തൃവീട്ടില് വലിയ തോതില് തര്ക്കം നടന്നിരുന്നതായും യുവതിയുടെ കുടുംബം ആരോപിക്കുന്നു. സ്വര്ണത്തിന് വേണ്ടി ഭാര്യയെ മര്ദ്ദിക്കുകയും മാനസികമായി പീഡിപ്പിക്കുകയും ചെയ്തു. ഭര്തൃവീട്ടുകാരുടെ മുന്നില്വെച്ച് യുവതി ആസിഡ് കുടിച്ചപ്പോള് ‘നീ ഇതിനെല്ലാം അനുഭവിക്കുമെന്ന് പറഞ്ഞ്’ ഭര്തൃവീട്ടുകാര് മാറി നിന്നതായും യുവതിയുടെ കുടുംബം ആരോപിക്കുന്നു. യുവതിക്ക് വൈദ്യസഹായം നല്കാന് പോലും തയ്യാറായില്ലെന്നും പരാതിയില് പറയുന്നു. വിദ്യാനഗര് പൊലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചു.
