മലയാളമിത്രം ഗൾഫ് ഡസ്ക് 
ദമാം: ദമാം ഒ.ഐ.സി.സി ലഹരി വിരുദ്ധ കാമ്പയിന് സെക്കന്റ് ഇൻഡസ്ട്രിയൽ സിറ്റിയിൽ തുടക്കമായി. വ്യാവസായിക, തൊഴിൽ രംഗത്തെ മലയാളി ജീവനക്കാർ തിങ്ങിവസിക്കുന്ന ദമാം സെക്കന്റ് ഇൻഡസ്ട്രിയൽ സിറ്റിയിലെ ഒ.ഐ.സി.സിയുടെ പ്രവർത്തനങ്ങൾക്കാണ് ലഹരി വിരുദ്ധ ബോധവൽക്കരണ കാമ്പയിനോടെ തുടക്കം കുറിച്ചത്.
സംഘടനയുടെ 2023-25 കാലയളവിലേക്കുള്ള മെമ്പർഷിപ്പ് കാമ്പയിൻ നടത്തുവാൻ ചുമതലപ്പെടുത്തിയ താൽക്കാലിക കമ്മിറ്റിക്ക് ലഭിച്ച അംഗത്വ അപേക്ഷകർക്ക് കെ.പി.സി.സി നൽകുന്ന മെമ്പർഷിപ് കാർഡുകളുടെ വിതരണോദ്ഘാടനം നിർവ ഹിച്ചു കൊണ്ടാണ് സൗദി നാഷണൽ പ്രസിഡന്റ് ബിജു കല്ലുമല ഒ.ഐ.സി.സിയുടെ പ്രവർത്തനങ്ങൾക്ക് ദമാം സെക്കന്റ് ഇൻഡസ്ട്രിയൽ സിറ്റിയിൽ തുടക്കം കുറിച്ചത്.
സെക്കന്റ് ഇൻഡസ്ട്രിയൽ സിറ്റിയിലെ തൊഴിലാളികളുടെ പൊതു വിഷയങ്ങളിൽ കാര്യക്ഷമമായ ഇടപെടലുകൾ നടത്തി ഒ.ഐ.സി.സിയിലേക്ക് കൂടുതൽ ജനാധിപത്യ മതേതര വിശ്വാസികളെ ആകർഷിക്കുന്ന പ്രവത്തനങ്ങൾക്കാണ് മേഖലയിൽ ഊന്നൽ നൽകുന്നതെന്ന് ബിജു കല്ലുമല പറഞ്ഞു. കൂടാതെ, ജോലി സംബന്ധവും കുടുംബപരവു മായ വിഷയങ്ങളുടെ പിരിമുറുക്കത്താൽ ആരെങ്കിലും ലഹരി വസ്തുക്കളുടെ ഉപയോഗ ത്തിൽ പെട്ടുപോകാതിരിക്കുവാൻ പ്രത്യേക ശ്രദ്ധ പതിപ്പിക്കണമെന്ന് സെക്കന്റ് ഇൻഡ സ്ട്രിയൽ ഏരിയയിൽ ഒ.ഐ.സി.സിയുടെ ലഹരി വിരുദ്ധ ബോധവൽക്കരണ പ്രവർ ത്തനങ്ങൾക്ക് നേതൃത്വം കൊടുക്കുന്നവർക്ക് പ്രസിഡന്റ് ബിജു കല്ലുമല നിർദേശം നൽകി.
നാഷണൽ കമ്മിറ്റി പ്രസിഡന്റായി നിയമിതനായ ബിജു കല്ലുമലയെ സെക്കൻഡ് ഇൻഡസ്ട്രിയൽ ഏരിയയിലെ നേതാക്കൾ മെമന്റോ നൽകി ആദരിച്ചു. ലൈജു ജെയിം സ് അധ്യക്ഷത വഹിച്ച സമ്മേളനം ദമാം റീജ്യണൽ കമ്മിറ്റി വൈസ് പ്രസിഡന്റ് ഹനീഫ് റാവുത്തർ ഉദ്ഘാടനം ചെയ്തു. ഒ.ഐ.സി.സി നേതാക്കളായ ഇ.കെ സലീം, റഫീഖ് കൂട്ടിലങ്ങാടി, സിറാജ് പുറക്കാട്, ഷംസു കൊല്ലം, നൗഷാദ് തഴവ, നിസാർ മാന്നാർ, രമേശ് പാലക്കൽ, ഗംഗൻ വള്ളിയോട്ട്, സി.ടി ശശി, ഷാജിദ് വടക്കേക്കര, സക്കീർ പറമ്പിൽ, രാജേഷ് ആറ്റുവ, അബ്ദുൽ നാസർ വയനാട് തുടങ്ങിയവർ സംസാരിച്ചു. ദിൽഷാദ് തഴവ സ്വാഗതവും കുഞ്ഞുമോൻ കൊട്ടാരക്കര നന്ദിയും പറഞ്ഞു. അജിത്ത്, ദിലീപ്, മുരളീധരൻ എന്നിവർ പരിപാടിക്ക് നേതൃത്വം നൽകി.
