ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
മലയാളമിത്രം നാഷണല് ഡസ്ക് 
ടാറ്റ ഗ്രൂപ്പ് ഏറ്റെടുത്തതിന് പിന്നാലെ പുതിയ ‘മേക്ക് ഓവറില്’ എയര് ഇന്ത്യാ വിമാന ങ്ങള്. ലോഗോയിലും നിറത്തിലും മാറ്റങ്ങളോടെയുള്ള എ350 വിമാനത്തിന്റെ ആദ്യ ചിത്രങ്ങള് എയര് ഇന്ത്യ എക്സ് പ്ലാറ്റ്ഫോമില് പങ്കുവെച്ചു. ഫ്രാന്സിലെ ടൗലൗസിലെ വര്ക്ക്ഷോപ്പില് നിന്നുള്ള ചിത്രങ്ങളാണിവ. വിമാനം ശൈത്യകാലത്ത് ഇന്ത്യയി ലെത്തുമെന്നാണ് കമ്പനി അറിയിച്ചത്.
റീബ്രാന്ഡ് ചെയ്യുകയും പുതിയ ലോഗോയും ലിവറി അവതരിപ്പിക്കുകയും ചെയ്തതിന് ശേഷം ഇതാദ്യമായാണ് എയര്ഇന്ത്യയുടെ പുതിയ വിമാനങ്ങളുടെ ചിത്രം പുറത്തുവ രുന്നത്. റീബ്രാന്ഡിംഗിന്റെ ഭാഗമായി ഓഗസ്റ്റിലാണ് പുതിയ ലോഗോയും കളര് സ്കീമും എയര് ഇന്ത്യ പുറത്തിറക്കിയത്.
കൂടുതല് സ്റ്റൈലൈസ്ഡ് ഡിസൈനും ചുവപ്പ്, വെള്ള, പര്പ്പിള് എന്നിവയുടെ പുതിയ കളര് സ്കീമും വിമാനത്തെ ആകര്ഷകമാക്കുന്നുണ്ട്. ചുവപ്പ്, വയലറ്റ്, സ്വര്ണ നിറങ്ങളോടുകൂടിയതാണു പുതിയ ലോഗോ. പുതിയ ലോഗോ ‘പരിമിതികളില്ലാത്ത സാധ്യതകളെ സൂചിപ്പിക്കുന്നു’ ലോഗോ പുറത്തിറക്കിക്കൊണ്ട് ടാറ്റ സണ്സ് ചെയര്മാന് എന്.ചന്ദ്രശേഖരന് പറഞ്ഞിരുന്നു. 2025 ഓടെ എയര് ഇന്ത്യയുടെ എല്ലാ വിമാനങ്ങള്ക്കും പുതിയ ലോഗോ ആകുമെന്നാണ് എയര് ഇന്ത്യ സിഇഒ കാംബെല് വില്സണ് അറിയിച്ചിരിക്കുന്നത്.
2022 ജനുവരിയില് ടാറ്റ സണ്സ് എയര് ഇന്ത്യയെ അതിന്റെ പൂര്ണ ഉടമസ്ഥതയിലുള്ള സബ്സിഡിയറിയായ തലേസ് പ്രൈവറ്റ് ലിമിറ്റഡ് വഴി ഏറ്റെടുത്തിരുന്നു. തുടര്ന്ന് എയര് ഇന്ത്യയും ടാറ്റ സണ്സിന്റെ മറ്റൊരു അനുബന്ധ സ്ഥാപനമായ വിസ്താരയും ലയിപ്പിച്ച് കൂടുതല് ഏകീകൃത സ്ഥാപനമാക്കുമെന്ന് പ്രഖ്യാപിച്ചു. ഈ ലയനം 2024 മാര്ച്ചില് പൂര്ത്തിയാകുമെന്നാണ് പ്രതീക്ഷ.
സർക്കാർ ഉടമസ്ഥതയിലുള്ള എയർ ഇന്ത്യയെ സാമ്പത്തിക പ്രതിസന്ധിയെ തുടർന്നാണ് കേന്ദ്ര സർക്കാർ ടാറ്റ ഗ്രൂപ്പിന് വിറ്റത്. 18000 കോടി രൂപയ്ക്കായിരുന്നു കരാർ. 2022 ജനുവരി 27-ന് എയർലൈനിന്റെ 100% ഓഹരിയും ടാറ്റാ ഗ്രൂപ്പ് സ്വന്തമാക്കിയിരുന്നു.
