മലയാളമിത്രം വെബ് ഡസ്ക് 
എല്ലാ വര്‍ഷവും ഒക്ടോബര്‍ 11നാണ് അന്താരാഷ്ട്ര ബാലികാദിനം ആചരിക്കുന്നത് (International Day Of The Girl Child 2023). സമൂഹമാധ്യമങ്ങളിലെ പല മുഖചിത്രങ്ങളിലും ഈദിനം പെണ്‍കുഞ്ഞുങ്ങള്‍ നിറഞ്ഞു നില്‍ക്കും. പെണ്‍കുട്ടികളുടെ അവകാശങ്ങള്‍ സംരക്ഷിക്കുന്നതിനും അവര്‍ നേരിടുന്ന ലിംഗവിവേചനത്തിനെതിരെ ബോധവല്‍ ക്കരണം നല്‍കുന്നതിനുമായി അന്താരാഷ്ട്ര ബാലികാദിനം ആചരിക്കുമ്പോള്‍ ഒരു തിരിഞ്ഞുനോട്ടം ആവശ്യമാണ്. ലോകമെമ്പാടുമുള്ള പെണ്‍കുട്ടികളെ ശാക്തീകരി ക്കാനും അവരുടെ ശബ്ദം ശക്തിപ്പെടുത്താനുമാണ് അന്താരാഷ്ട്ര ബാലികാദിനം ആചരിക്കുന്നത്. 2023 ഒക്ടോബര്‍ 11ന് അന്താരാഷ്ട്ര ബാലികാദിനം ആചരിക്കുന്ന വേളയില്‍ എല്ലാവരും അറിഞ്ഞിരിക്കേണ്ട ചില കാര്യങ്ങളാണ് താഴെ പറയുന്നത്.
പെണ്‍കുട്ടികളുടെ ഉന്നമനം ലക്ഷ്യം വയ്ക്കുന്നതിനും അവരുടെ അവകാശങ്ങള്‍ സംരക്ഷിക്കുന്നതിനുമുള്ള പ്രതിജ്ഞ ആവര്‍ത്തിച്ചാണ് യുനിസെഫ് ഈ ദിനം ആചരിക്കുന്നത്.
ലിംഗ വിവേചനം ആണ് പെണ്‍കുട്ടികള്‍ നേരിടുന്ന ഏറ്റവും പ്രധാനപ്രശ്‌നം. ഇത് കൂടാതെ ശൈശവ വിവാഹം, ലൈംഗീക അതിക്രമം, പഠിക്കാനുള്ള മതിയായ സാഹ ചര്യം ഇല്ലാത്തവസ്ഥ തുടങ്ങി നിരവധി പ്രശ്‌നങ്ങള്‍ പെണ്‍കുട്ടികള്‍ക്ക് നേരിടേണ്ടി വരുന്നുണ്ട്. പെണ്‍കുട്ടികള്‍ അഭിമുഖീകരിക്കേണ്ടി വരുന്ന ഇത്തരം വെല്ലുവിളികള്‍ ഇല്ലാതാക്കുക എന്ന ലക്ഷ്യം ഉയര്‍ത്തിപ്പിടിക്കുന്നതിനാല്‍ ഈ ദിനവും പ്രാധാന്യ മര്‍ഹിക്കുന്നു.
യുവതികള്‍ നേരിടുന്ന വെല്ലുവിളികള്‍ പരിഹരിക്കുന്നതിനുള്ള ഒരു സര്‍ക്കാരിതര, അന്താരാഷ്ട്ര പ്രവര്‍ത്തന പദ്ധതി എന്ന നിലയിലാണ് ഈ ദിനം ആരംഭിച്ചത്. 1995 -ല്‍ ബീജിംഗില്‍ നടന്ന ലോക വനിതാ സമ്മേളനത്തില്‍, ചെറുപ്പക്കാരും ദുര്‍ബലരുമായ പെണ്‍കുട്ടികളെ കേന്ദ്രീകരിച്ചുള്ള ഒരു പരിപാടിയുടെ ആവശ്യകത തിരിച്ചറിഞ്ഞു. ഒക്ടോബര്‍ 11 പെണ്‍കുട്ടികളുടെ അന്താരാഷ്ട്ര ദിനമായി പ്രഖ്യാപിക്കാനുള്ള പ്രമേയം 2011 ഡിസംബര്‍ 19 ന് യുഎന്‍ പൊതുസഭ അംഗീകരിച്ചു. 2020 ല്‍, ബീജിംഗ് പ്രഖ്യാപനം അംഗീകരിച്ചതിന്റെ 25 വര്‍ഷം ആചാരിച്ചു.
2012 ഒക്ടോബര്‍ 11നാണ് ആദ്യ അന്താരാഷ്ട്ര ബാലികാദിനം ആചരിച്ചത്. ശൈശവ വിവാഹത്തിനെതിരെയുള്ള ആഹ്വാനവുമായാണ് ഈ ദിനം ആചരിച്ചത്. 2013ല്‍ പെണ്‍കുട്ടികളുടെ വിദ്യാഭ്യാസത്തിനായിരുന്നു ഊന്നല്‍ നല്‍കിയത്. 2014ല്‍ പെണ്‍ കുട്ടികള്‍ക്ക് എതിരെയുള്ള അതിക്രമം ആയിരുന്നു വിഷയം.
പെണ്‍കുട്ടികള്‍ നേരിടുന്ന വെല്ലുവിളികള്‍ പരിഹരിക്കാനും പെണ്‍കുട്ടികളുടെ ശാക്തീകരണം പ്രോത്സാഹിപ്പിക്കാനും അവരുടെ മനുഷ്യാവകാശങ്ങള്‍ നിറവേറ്റാനും ഈ ദിനം ശ്രദ്ധ കേന്ദ്രീകരിക്കുന്നു. എല്ലാ പെണ്‍കുട്ടികള്‍ക്കും മികച്ച വിദ്യാഭ്യാസവും മെച്ചപ്പെട്ടതും അന്തസ്സുള്ളതുമായ ജീവിതവും ലഭ്യമാക്കുക എന്ന പ്രതിഞ്ജയോടെ യാണ് യുനെസ്‌കോ ഈ ദിവസം ആചരിക്കുന്നത്.
ഇന്ത്യയില്‍ ദേശീയ ബാലികാ ദിനമായി ആചരിക്കുന്നത് ജനുവരി 24നാണ്. ഇന്ത്യയുടെ ആദ്യത്തെ വനിതാപ്രധാനമന്ത്രിയായി ഇന്ദിരാഗാന്ധി ചുമതലയേറ്റത് 1966 ജനുവരി 24നാണ്. 2008മുതല്‍ ഈ ദിനം ഇന്ത്യയില്‍ ദേശീയ ബാലികാ ദിനമായി ആചരിക്കുക യാണ്.
