അനുരാഗ കരിക്കിൻവെള്ളം എന്ന സൂപ്പർഹിറ്റ് സിനിമയിലൂട നായികയായി അരങ്ങേറി പിന്നീട് മലയാളികളുടെ പ്രിയപ്പെട്ട നടിയായി മാറിയ താര സുന്ദരിയാണ് രജിഷ വിജയൻ. ആദ്യ ചിത്രത്തിലെ അഭിനയത്തിന് തന്നെ രജിഷയെ തേടി മികച്ച നടിയ്ക്കുള്ള സംസ്ഥാന ചലച്ചിത്ര പുരസ്കാരം എത്തി. ഓഫ് സ്ക്രീനിലെ രജിഷയുടെ ജീവിതം എന്നും സ്വകാര്യമാണ്. സോഷ്യൽ മീഡിയയിൽ താരം അത്ര സജീവമല്ല.
രജിഷ വിജയൻ പ്രണയത്തിലാണ് എന്നാണ് ഇപ്പോൾ പുറത്തുവരുന്ന റിപ്പോർട്ടുകൾ. സ്റ്റാന്റ് അപ്, ദ ഫെയിൽ ഐ, ഖൊഖൊ, ലൗഫുലി യുവർസ് വേദ തുടങ്ങിയ ചിത്രങ്ങളുടെ ഛായാഗ്രഹകനായ ടോബിൻ തോമസ് പങ്കുവച്ച പോസ്റ്റാണ് ഇക്കാര്യം വ്യക്തമാക്കുന്നത്. രജിഷയുമൊന്നിച്ചുള്ള നാല് വർഷങ്ങളെ കുറിച്ചാണ് ടോബിന്റെ പോസ്റ്റ്. സോഷ്യൽ മീഡിയയിൽ വൈറലായിരിക്കുകയാണ് കുറിപ്പ്.
നമ്മളൊരുമിച്ചുള്ള 1461 ദിവസങ്ങൾ. ഒരുപാട് പ്രണയവും സന്തോഷങ്ങളും പരസ്പരമുള്ള വിഡ്ഡിത്തങ്ങളും സഹിച്ചുകൊണ്ട് സൂര്യന് താഴെ ഇനിയുമെത്ര യാത്രകൾ’ എന്ന് പറഞ്ഞാണ് രജിഷയ്ക്കൊപ്പമുള്ള ചിത്രം ടോബിൻ പങ്കുവച്ചിരിയ്ക്കുന്നത്. ഒരുമിച്ചുള്ള ദിവസങ്ങൾ കൗണ്ട് ചെയ്ത് രജിഷയും കമന്റ് ബോക്സിൽ എത്തിയിട്ടുണ്ട്. നിരവധി താരങ്ങളും ടോബിന്റെ പോസ്റ്റിന് കമന്റുമായി എത്തിയിട്ടുണ്ട്.
രജിഷയ്ക്കൊപ്പമുള്ള ഒരുപാട് സന്തോഷ നിമിഷങ്ങൾ ടോബിൻ തോമസിന്റെ സോഷ്യൽ മീഡിയ പേജിൽ കാണാം. ഖൊഖൊ എന്ന ചിത്രത്തിലാണ് ആദ്യമായി രജിഷ വിജയനും ടോബിൻ തോമസും ഒന്നിച്ചു പ്രവൃത്തിച്ചത്. 2021 ൽ പുറത്തിറങ്ങിയ ചിത്ര രാഹുൽ രഞ്ജിത്താണ് സംവിധാനം ചെയ്തത്. ഇരുവരും തമ്മിൽ പ്രണയത്തിലാ ണെന്ന് ഉറപ്പിച്ചിരിക്കുകയാണ് ആരാധകരിപ്പോൾ.