ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
ന്യൂസ് ബ്യൂറോ തിരുവനന്തപുരം 
തിരുവനന്തപുരം: അച്ചടക്ക നടപടിയുടെ ഭാഗമായി 144 പൊലീസ് ഉദ്യോഗസ്ഥരെ പിരിച്ചു വിട്ടു എന്നു മുഖ്യമന്ത്രി നിയമസഭയില് പറഞ്ഞത് ശുദ്ധനുണയാണെന്ന് മുന് പ്രതിപക്ഷ നേതാവ് രമേശ് ചെന്നിത്തല. ബോധപൂര്വം നുണ പറഞ്ഞ് സഭയേയും ജനങ്ങളേയും തെറ്റിദ്ധരിപ്പിക്കുകയാണ് മുഖ്യമന്ത്രി ചെയ്തത്. നിയമസഭയില് തെറ്റായ വിവരം നല്കിയതിന് മുഖ്യമന്ത്രിക്കെതിരെ സ്പീക്കര്ക്ക് അവകാശലംഘന ത്തിന് നോട്ടീസ് നല്കുമെന്നും ചെന്നിത്തല പറഞ്ഞു.
2016 ല് അധികാരമേറ്റ ശേഷം ഇതുവരെ 50ല് താഴെ പൊലീസ് ഉദ്യോഗസ്ഥരെ മാത്രമാണ് പിരിച്ചു വിട്ടത് എന്നാണ് നാഷണല് ക്രൈം റെക്കോര്ഡ്സ് ബ്യൂറോയുടെ കണക്ക്. എന്നാല് മുഖ്യമന്ത്രി സഭയില് പറഞ്ഞ ത് 144 പേര് എന്നാണ്. ഇത് നുണയും സഭയോടുള്ള അവഹേളനവുമാണ്. പിരിച്ചു വിട്ടു എന്നു പറഞ്ഞ 144 പൊലീസ് ഉദ്യോഗസ്ഥരുടെ ലിസ്റ്റ് നിയമസഭയില് വെയ്ക്കാന് മുഖ്യമന്ത്രിയെ വെല്ലുവിളിക്കുന്നു. ഇല്ലാത്ത പക്ഷം പറഞ്ഞ ഈ അവകാശവാദം പിന്വലിച്ച് മാപ്പ് പറയാന് മുഖ്യമന്ത്രി തയ്യാറാകണം.
ഉമ്മന്ചാണ്ടി മുഖ്യമന്ത്രി ആയിരുന്ന 2011-2016 കാലഘട്ടത്തില് സേനയ്ക്കു മാനക്കേട് ഉണ്ടാക്കിയ 61 പൊലീസ് ഉദ്യോഗസ്ഥരെയാണ് അച്ചടക്കനടപടിയുടെ ഭാഗമായി പിരിച്ചു വിട്ടിരുന്നത്. എന്നാല് പിണ റായി വിജയന് സര്ക്കാരിന്റെ ഒമ്പതര വര്ഷത്തെ ഭരണകാലയളവില് കടുത്ത ക്രിമിനല് പശ്ചാത്ത ലമുള്ളവരടക്കം 144 പേരെ പിരിച്ചു വിടണമെന്നു ശുപാര്ശയുണ്ടായിട്ടും അത് ചെയ്തിട്ടില്ല. പിരിച്ചുവി ടപ്പെട്ട മിക്കവരും സര്വീസില് നിന്നു ദീര്ഘകാലം വിട്ടുനിന്നവര് മാത്രമാണ്. ക്രിമിനല്കേസില് പെട്ട ഉദ്യോഗസ്ഥരെ പിരിച്ചു വിടാതെ ഈ സര്ക്കാര് സംരക്ഷിക്കുകയാണ് ചെയ്തത്. എന്നു മാത്രവുമല്ല, നല്ല ഉദ്യോഗസ്ഥരെ മൂലയ്ക്കിരുത്തി ഈ ക്രിമിനല് പശ്ചാത്തലമുള്ളവരെ ക്രമസമാധാനപാലന ചുമതല ഏല്പിക്കുകയും ചെയ്തു.
സുപ്രധാന പദവികളില് കളങ്കിതരായ ഉദ്യോഗസ്ഥരെയാണ് ഈ സര്ക്കാര് ഇതുവരേയും നിയമിച്ചത്. വി എസ് അച്യുതാനന്ദന് മുഖ്യമന്ത്രിയായിരുന്ന കാലത്ത് നിരവധി കേസുകളില് ആരോപണവിധേയനായി സസ്പെന്ഷനിലായ ഉദ്യോഗസ്ഥന് ഇപ്പോള് പൊലീസ് ആസ്ഥാനത്ത് സു്പ്രധാന പദവി വഹിക്കുന്നു. ക്രിമിനലുകളായ പൊലീസുകാരെ സംരക്ഷിക്കുക എന്നത് ഈ സര്ക്കാരിന്റെ നയമാണ്. അതു കൊണ്ടാണ് പൊലീസ് സ്റ്റേഷനുകള് നാസി കോണ്സെന്ട്രേഷന് ക്യാമ്പുകള് ആകുന്നത്.ഇനി നുണ പറഞ്ഞ് സഭയെയും ജനങ്ങളെയും കബളിപ്പിക്കാം എന്ന് മുഖ്യമന്ത്രി കരുതരുതെന്നും രമേശ് ചെന്നിത്തല പറഞ്ഞു.
