ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
ന്യൂസ് ബ്യൂറോ ആലപ്പുഴ 
മാന്നാര്: വിദേശത്തുനിന്നെത്തി രണ്ട് ദിവസമായി കാണാതായ യുവാവിനെ ചതുപ്പില് അവശനിലയില് കണ്ടെത്തി. ബുധനൂര് പടിഞ്ഞാറ് കൈലാസം വീട്ടില് രമണന് നായരുടെ മകന് വിഷ്ണു നായരെ (34) യാണ് അവശനിലയില് കണ്ടെത്തിയത്. എണ്ണയ്ക്കാട് പൂക്കൈതച്ചിറ ഭാഗത്തെ ചതുപ്പില് നിന്നാണ് വിഷ്ണുവിനെ കണ്ടെത്തിയത്.
ദുബായില്നിന്ന് ഞായറാഴ്ച വൈകിട്ട് ഏഴോടെയാണ് വിഷ്ണു വീട്ടിലെത്തിയത്. ഏഴരയോടെ ചെട്ടികുളങ്ങ രയിലുള്ള പ്രതിശ്രുത വധുവിനെ കാണാന് പോയ ഇയാളെ പിന്നീട് കാണാതാവുകയായിരുന്നു. ഫോണ് സ്വിച്ച് ഓഫ് ആയതിനാല് ബന്ധുക്കള്ക്ക് വിളിച്ചിട്ട് കിട്ടിയില്ല. തുടര്ന്ന് ബന്ധുക്കള് മാന്നാര് പൊലീസി ല് പരാതി നല്കി.
അന്വഷണത്തിനിടെ ലഭിച്ച സിസിടിവി ദൃശ്യങ്ങളില് ബൈക്കില് യാത്ര ചെയ്യുന്ന വിഷ്ണുവിന്റെ ദൃശ്യ ങ്ങള് ലഭിച്ചു. വിഷ്ണു മാവേലിക്കര കരയമട്ടം ഭാഗത്തുനിന്ന് തിരിയുന്ന ദൃശ്യങ്ങളുണ്ട്. തുടര്ന്ന് രാജേഷും ബന്ധുക്കളും നടത്തിയ തിരച്ചിലിലാണ് പൂക്കൈതച്ചിറ ഭാഗത്തെ ചതുപ്പില് ബൈക്കും സമീപത്ത് അവശനിലയില് വിഷ്ണുവിനെയും കണ്ടെത്തിയത്. ചെട്ടികുളങ്ങരയിലേക്കുള്ള യാത്രയ്ക്കിടെ ബൈക്ക് നിയന്ത്രണം വിട്ട് പാടത്തേക്ക് മറിഞ്ഞതാകാമെന്നാണ് നിഗമനം. വിഷ്ണുവിനെ പരിക്കുകളോടെ സ്വകാര്യ ആശുപത്രിയില് പ്രവേശിപ്പിച്ചു.
