ഇറാനുമായി യുദ്ധത്തിനില്ല, നയതന്ത്ര പരിഹാരത്തിന് മുൻഗണന: ബ്രിട്ടീഷ് പ്രധാനമന്ത്രി

ലണ്ടൻ: പശ്ചിമേഷ്യയിൽ വർദ്ധിച്ചുവരുന്ന സംഘർഷങ്ങൾക്കിടയിൽ നിലപാട് വ്യക്തമാക്കി ബ്രിട്ടീഷ് പ്രധാനമന്ത്രി. ഇറാനുമായുള്ള നേരിട്ടുള്ള ഒരു യുദ്ധത്തിലേക്ക് രാജ്യം വലിച്ചിഴയ്ക്കപ്പെടില്ലെന്നും, പ്രതി സന്ധിക്ക് വേഗത്തിലുള്ള പരിഹാരം കാണാനാണ് ബ്രിട്ടൻ ശ്രമിക്കുന്നതെന്നും അദ്ദേഹം അറിയിച്ചു.

വാർത്താ സമ്മേളനത്തിൽ പ്രധാനമന്ത്രി പങ്കുവെച്ച പ്രധാന കാര്യങ്ങൾ ഇവയാണ്:മേഖലയിലെ സമാധാനത്തിനായി അന്താരാഷ്ട്ര തലത്തിലുള്ള ഇടപെടലുകൾ തുടരും. യുദ്ധം ആർക്കും ഗുണക രമല്ലെന്നും നയതന്ത്ര ചർച്ചകളിലൂടെ വേഗത്തിൽ പ്രശ്നപരിഹാരം കണ്ടെത്തുകയാണ് ലക്ഷ്യമെന്നും അദ്ദേഹം പറഞ്ഞു.

ലോകത്തെ പ്രധാന വ്യാപാര പാതയായ ഹോർമുസ് കടലിടുക്ക് തുറന്നു സൂക്ഷിക്കുക എന്നത് അത്ര എളുപ്പമുള്ള കാര്യമല്ലെന്ന് അദ്ദേഹം സമ്മതിച്ചു. കപ്പൽ ഗതാഗതത്തിന് നേരിടുന്ന തടസ്സങ്ങളും സുരക്ഷാ ഭീഷണികളും സങ്കീർണ്ണമാണെന്നും അദ്ദേഹം കൂട്ടിച്ചേർത്തു.

നിലവിലെ സൈനിക നീക്കങ്ങളും സംഘർഷങ്ങളും അവസാനിച്ച ശേഷം ഇറാനുമായി ചില സുപ്രധാന ചർച്ചകൾ ആവശ്യമായി വരുമെന്ന് അദ്ദേഹം സൂചിപ്പിച്ചു. മേഖലയിലെ ദീർഘകാല സമാധാനത്തിന് ചർച്ചകൾ അനിവാര്യമാണെന്നാണ് ബ്രിട്ടന്റെ വിലയിരുത്തൽ.

നിലവിലെ സാഹചര്യത്തിൽ സംയമനം പാലിക്കണമെന്നും വലിയൊരു യുദ്ധത്തിലേക്ക് നീങ്ങുന്നത് ഒഴിവാക്കണമെന്നുമാണ് ബ്രിട്ടന്റെയും സഖ്യകക്ഷികളുടെയും നിലപാട്.