ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
അന്താരാഷ്ട്ര ഡെസ്ക് 
ടെഹ്റാൻ: ഇസ്രായേലും അമേരിക്കയും സംയുക്തമായി നടത്തിയ നീക്കങ്ങൾക്കിടെയുണ്ടായ വ്യോമാ ക്രമണത്തിൽ ഇറാനിയൻ റെവല്യൂഷണറി ഗാർഡ് (IRGC) വക്താവ് കൊല്ലപ്പെട്ടു. റെവല്യൂഷണറി ഗാർഡിന്റെ പബ്ലിക് റിലേഷൻസ് വിഭാഗം തലവൻ കൂടിയായ അദ്ദേഹത്തിന്റെ മരണം ഇറാൻ ഔദ്യോഗികമായി സ്ഥിരീകരിച്ചിട്ടുണ്ട്. അമേരിക്കന്- സയോണിസ്റ്റ് ക്രിമിനലുകളുടെ ആക്രമണത്തില് നൈനി രക്തസാക്ഷിത്വം വഹിച്ചതായി ഐആര്ജിസി വ്യക്തമാക്കി.
ഇസ്രായേൽ വ്യോമസേന നേരിട്ട് നടത്തിയ ആക്രമണത്തിലാണ് ഇറാനിയൻ സൈനിക നേതൃത്വത്തിലെ നിർണ്ണായക വ്യക്തി കൊല്ലപ്പെട്ടത്. ആക്രമണത്തിന്റെ പൂർണ്ണ ഉത്തരവാദിത്തം ഇസ്രായേൽ സൈന്യം ഏറ്റെടുത്തു. മേഖലയിലെ ഇറാനിയൻ സ്വാധീനം കുറയ്ക്കുന്നതിനും സൈനിക നേതൃത്വത്തെ ദുർബല പ്പെടുത്തുന്നതിനുമായി ഇസ്രായേൽ ആസൂത്രണം ചെയ്ത പ്രത്യേക നീക്കത്തിന്റെ ഭാഗമായിരുന്നു ഈ വ്യോമാക്രമണമെന്ന് സൈനിക വക്താവ് അറിയിച്ചു.
ഇസ്രയേലുമായും അമേരിക്കയുമായും യുദ്ധം നടന്നിട്ടും തങ്ങളുടെ മിസൈല് വ്യവസായം ‘ഏറ്റവും ഉയര്ന്ന നില’യിലെത്തിയെന്ന് ഇറാന് അവകാശപ്പെട്ടിരുന്നു. ശത്രുക്കള്ക്ക് ചില ‘ആശ്ചര്യങ്ങള്’ കരുതിവെച്ചിട്ടുണ്ടെന്നും ഇറാന് മുന്നറിയിപ്പ് നല്കിയിരുന്നു. യുദ്ധസമയത്തും ഇറാനില് മിസൈല് ഉത്പാദനം മികച്ച നിലയില് നടക്കുന്നുണ്ട്. ആയുധ ശേഷിയെക്കുറിച്ച് ഒരു ആശങ്കയും വേണ്ടെന്നും ഐആര്ജിസി വക്താവ് നൈനി അഭിപ്രായപ്പെട്ടിരുന്നു.
ഇതിനു തൊട്ടുപിന്നാലെയാണ് സൈനിക വക്താവിന് നേര്ക്ക് യുഎസ്- ഇസ്രയേല് സൈന്യത്തിന്റെ ആക്രമണം ഉണ്ടാകുന്നത്. മൂന്ന് ആഴ്ചത്തെ യുഎസ്-ഇസ്രയേല് വ്യോമാക്രമണങ്ങള് മൂലം ഇറാന് ഇനി യുറേനിയം സമ്പുഷ്ടീകരണത്തിനോ ബാലിസ്റ്റിക് മിസൈലുകള് നിര്മ്മിക്കാനോ കഴിയില്ലെന്ന് ഇസ്രയേല് പ്രധാനമന്ത്രി ബെഞ്ചമിന് നെതന്യാഹു അവകാശപ്പെട്ടിരുന്നു. ഇതിനു മറുപടിയായിട്ടായി രുന്നു അലി മുഹമ്മദ് നൈനിയുടെ പ്രതികരണം.
ഒറ്റ ആഴ്ചയ്ക്കിടെ ഇറാന് നഷ്മാകുന്ന നാലാമത്ത ഉന്നത ഉദ്യോഗസ്ഥനാണ് അലി മുഹമ്മദ് നൈനി. ദേശീയ സുരക്ഷാ കൗൺസിൽ മേധാവി അലി ലാരീജാനി, ഘോലംരേസ സുലൈമാൻ, ഇസ്മായിൽ ഖാത്തിബ് എന്നിവരാണ് ആക്രമണങ്ങളിൽ കൊല്ലപ്പെട്ട മറ്റ് ഇറാൻ ഉന്നതോദ്യോഗസ്ഥർ. ഇസ്മായിൽ ഖാത്തി ബിന്റെ മരണത്തിൽ ഇറാൻ പരമോന്നത നേതാവ് മുജ്തബ ഖമേനി അനുശോചിച്ചു.
ശത്രുക്കൾ അനുഭവിക്കുന്ന സുരക്ഷിതത്വം ഇല്ലാതാക്കണമെന്ന് ഇറാൻ പ്രസിഡന്റ് മസൂദ് പെസെഷ്കി യാന് അയച്ച സന്ദേശത്തിൽ മുജ്തബ ഖമേനി ആവശ്യപ്പെട്ടു. പശ്ചിമേഷ്യയിൽ സംഘർഷം രൂക്ഷമായി തുടരുകയാണ്. പശ്ചിമേഷ്യയുടെ പല ഭാഗങ്ങളിലും ബഹ്റൈനിലും ഇസ്രയേലിലും വ്യോമാക്രമണ മുന്നറിയിപ്പ് മുഴങ്ങി. ഇറാന്റെ ഡ്രോണുകൾ മിന അൽ–അഹ്മദി എണ്ണ റിഫൈനറിയെ വീണ്ടും ആക്രമി ച്ചെന്ന് കുവൈത്ത് ആരോപിച്ചു. നിരവധി യൂണിറ്റുകളിൽ തീപിടിത്തമുണ്ടായിട്ടുണ്ട്.
