ഇന്ത്യയില്‍ വിവാഹേതര ബന്ധങ്ങള്‍ ഏറ്റവും കൂടുതലുള്ള ഇന്ത്യന്‍ സംസ്ഥാനം ഇതാണ്; പട്ടിക അറിയാം
ടെഹ്‌റാൻ: പേർഷ്യൻ ഉൾക്കടൽ ഉൾപ്പെടെയുള്ള തന്ത്രപ്രധാനമായ സമുദ്രമേഖലകളുടെ പൂർണ്ണ നിയന്ത്രണം തങ്ങൾക്കാണെന്ന് ഇറാനിയൻ സൈനിക വക്താവ് വ്യക്തമാക്കി. പേർഷ്യൻ ഉൾക്കടൽ, ഒമാൻ ഉൾക്കടൽ, ലോകത്തിലെ ഏറ്റവും പ്രധാനപ്പെട്ട എണ്ണക്കടത്തു പാതയായ ഹോർമുസ് കടലിടുക്ക് എന്നിവിടങ്ങളിൽ ഇറാൻ സൈന്യത്തിന് വ്യക്തമായ മേൽക്കൈ ഉണ്ടെന്നും അദ്ദേഹം അവകാശപ്പെട്ടു.
മേഖലയിൽ സുരക്ഷ ഉറപ്പാക്കാൻ ഇറാൻ സജ്ജമാണെന്നും അതുകൊണ്ട് തന്നെ കപ്പലുകളെ തടയാൻ മൈനുകൾ സ്ഥാപിക്കേണ്ട സാഹചര്യം നിലവിലില്ലെന്നും വക്താവ് കൂട്ടിച്ചേർത്തു. ഇറാന്റെ സൈനിക കരുത്തിനെക്കുറിച്ച് അന്താരാഷ്ട്ര തലത്തിൽ ഉയരുന്ന ആരോപണങ്ങളെ തള്ളിക്കൊണ്ടാണ് അദ്ദേഹം ഈ പ്രസ്താവന നടത്തിയത്.
സമുദ്ര സുരക്ഷയുടെ പേരിൽ അമേരിക്ക നടത്തുന്ന ഇടപെടലുകളെ ഇറാൻ രൂക്ഷമായി വിമർശിച്ചു. മേഖലയിൽ സമാധാനം നിലനിർത്താൻ പുറത്തുനിന്നുള്ള രാജ്യങ്ങളുടെ സഹായം ആവശ്യമില്ലെന്ന് വക്താവ് പറഞ്ഞു.
ഗൾഫ് മേഖലയിലെ അയൽരാജ്യങ്ങളുമായി സഹകരിച്ച് സുരക്ഷാ കാര്യങ്ങൾ കൈകാര്യം ചെയ്യാൻ ഇറാൻ തയ്യാറാണ്. വിദേശ ശക്തികളെ അകറ്റി നിർത്തിക്കൊണ്ട് പ്രാദേശികമായ കൂട്ടായ്മ രൂപീകരി ക്കാനാണ് ഇറാൻ ലക്ഷ്യമിടുന്നത്.അന്താരാഷ്ട്ര കപ്പൽ ഗതാഗതത്തിന് ഭീഷണിയാകുന്ന തരത്തിലുള്ള നീക്കങ്ങൾ തങ്ങളുടെ ഭാഗത്തുനിന്നും ഉണ്ടാവില്ലെന്നും, മറിച്ച് മേഖലയുടെ കാവൽക്കാരായി ഇറാൻ നിലകൊള്ളുമെന്നും വക്താവ് ഉറപ്പുനൽകി.
ലോകത്തെ എണ്ണ വിതരണത്തിന്റെ നിർണ്ണായക പങ്കും വഹിക്കുന്ന ഹോർമുസ് കടലിടുക്കിനെ സംബന്ധിച്ച ഇറാന്റെ ഈ പ്രസ്താവന ആഗോള വിപണിയിൽ വലിയ ചർച്ചകൾക്ക് വഴിതുറന്നിട്ടുണ്ട്
