ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
അബുദാബി: യുണൈറ്റഡ് അറബ് എമിറേറ്റ്സിനെ ലക്ഷ്യമിട്ടുണ്ടായ വലിയൊരു ആക്രമണശ്രമത്തെ പ്രതിരോധ സേന വിജയകരമായി തടഞ്ഞു. ഇന്ന് നടന്ന ആക്രമണത്തിൽ ശത്രുരാജ്യങ്ങൾ തൊടുത്തുവിട്ട 5 ബാലിസ്റ്റിക് മിസൈലുകളും 17 ഇറാനിയൻ നിർമ്മിത ഡ്രോണുകളുമാണ് യുഎഇയുടെ വ്യോമ പ്രതിരോധ സംവിധാനം ആകാശത്തുവെച്ച് തന്നെ തകർത്തത്.
രാജ്യത്തിന്റെ തന്ത്രപ്രധാനമായ മേഖലകളെ ലക്ഷ്യം വെച്ചായിരുന്നു ആക്രമണമെങ്കിലും, അത്യാധു നിക മിസൈൽ പ്രതിരോധ സംവിധാനങ്ങൾ (THAAD, Patriot) കൃത്യസമയത്ത് പ്രവർത്തിച്ചതിനാൽ വലിയൊരു അപകടം ഒഴിവാക്കാനായി.
ഇറാൻ പിന്തുണയോടെയുള്ള ഗ്രൂപ്പുകളിൽ നിന്ന് യുഎഇ നേരിടുന്ന ഭീഷണി വർദ്ധിച്ചുവരികയാണെ ന്നാണ് പുറത്തുവരുന്ന കണക്കുകൾ സൂചിപ്പിക്കുന്നത്. ഇന്ന് നേരിട്ടത് 5 ബാലിസ്റ്റിക് മിസൈലുകൾ, 17 ഡ്രോണുകൾ. ഇറാനിയൻ ആക്രമണങ്ങൾ ആരംഭിച്ചത് മുതൽ ഇതുവരെ 357 ബാലിസ്റ്റിക് മിസൈലു കളും 15 ക്രൂയിസ്മിസൈലുകളും 1806 ഡ്രോണുകളുമാണ് യുഎഇ വിജയകരമായി പ്രതിരോധിച്ചത്.
യുഎഇയുടെ സുരക്ഷയ്ക്കും സമാധാനത്തിനും ഭീഷണിയാകുന്ന ഇത്തരം പ്രകോപനങ്ങളെ ശക്തമായി നേരിടുമെന്ന് അധികൃതർ വ്യക്തമാക്കി. വ്യോമാതിർത്തി പൂർണ്ണമായും സുരക്ഷിതമാണെന്നും ജനങ്ങൾ പരിഭ്രാന്തരാകേണ്ടതില്ലെന്നും പ്രതിരോധ മന്ത്രാലയം അറിയിച്ചു. അന്താരാഷ്ട്ര തലത്തിൽ വലിയ ചർച്ചകൾക്ക് ഈ ആക്രമണശ്രമം വഴിവെച്ചിട്ടുണ്ട്.
