ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
സെർനി: സൗദി വിദേശകാര്യ മന്ത്രി ഫൈസൽ ബിൻ ഫർഹാൻ രാജകുമാരനും കാനഡയുടെ വിദേശ കാര്യ മന്ത്രി അനിതാ ആനന്ദും തമ്മിൽ കൂടിക്കാഴ്ച നടത്തി. ഫ്രാൻസിലെ വോർ ഡി സെർനിയിൽ നടക്കുന്ന ജി7 വിദേശകാര്യ മന്ത്രിമാരുടെ യോഗത്തിൽ പങ്കെടുക്കുന്നതിന്റെ ഭാഗമായാണ് ഇരു നേതാക്കളും പ്രത്യേക ചർച്ച നടത്തിയത്.
സൗദിയും കാനഡയും തമ്മിലുള്ള ഉഭയകക്ഷി ബന്ധം മെച്ചപ്പെടുത്തുന്നതിനും വിവിധ മേഖലകളിൽ സഹകരണം വ്യാപിപ്പിക്കുന്നതിനും കൂടിക്കാഴ്ചയിൽ ഊന്നൽ നൽകി. പ്രാദേശികവും അന്തർദേശീയവു മായ പ്രധാന വിഷയങ്ങൾക്കൊപ്പം പശ്ചിമേഷ്യയിലെ നിലവിലെ സാഹചര്യങ്ങളും സമാധാന ശ്രമങ്ങളും മന്ത്രിമാർ ചർച്ച ചെയ്തു.
ആഗോള വെല്ലുവിളികളെ നേരിടുന്നതിൽ ജി7 കൂട്ടായ്മയുമായുള്ള സഹകരണത്തിന്റെ പ്രാധാന്യത്തെ ക്കുറിച്ചും ഇരുവരും സംസാരിച്ചു. നയതന്ത്ര ബന്ധം കൂടുതൽ ദൃഢമാക്കുന്നതിനും പൊതു താൽപ്പര്യ മുള്ള വിഷയങ്ങളിൽ സംയുക്തമായി പ്രവർത്തിക്കുന്നതിനും ഇരുരാജ്യങ്ങളും സന്നദ്ധത അറിയിച്ചു.
