ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
വാഷിംഗ്ടൺ: ഇറാനുമായുള്ള സമാധാന ചർച്ചകൾ പുരോഗമിക്കുന്നതിനിടയിൽ, രാജ്യത്തിന്റെ ആണവ സമ്പുഷ്ടീകരണ പദ്ധതികൾക്കെതിരെ കടുത്ത നിബന്ധനകളുമായി അമേരിക്കൻ പ്രസിഡന്റ് ഡൊണാൾഡ് ട്രംപ്. ഇറാൻ ശേഖരിച്ചുവെച്ചിട്ടുള്ള സമ്പുഷ്ടീകരിച്ച യുറേനിയം ഒന്നുകിൽ അമേരിക്കയ്ക്ക് കൈമാറണം, അല്ലെങ്കിൽ അന്താരാഷ്ട്ര മേൽനോട്ടത്തിൽ പൂർണ്ണമായി നശിപ്പിക്കണമെന്ന് ട്രംപ് ആവശ്യപ്പെട്ടു. തന്റെ സോഷ്യൽ മീഡിയ പ്ലാറ്റ്ഫോമായ ‘ട്രൂത്ത് സോഷ്യൽ’ വഴിയാണ് ട്രംപ് ഇക്കാര്യം വ്യക്തമാക്കിയത്.
“ഇറാന്റെ സമ്പുഷ്ടീകരിച്ച യുറേനിയം (ആണവപ്പൊടി) ഒന്നുകിൽ എത്രയും വേഗം അമേരിക്കയ്ക്ക് കൈമാറി അവിടെയെത്തിച്ച് നശിപ്പിക്കണം; അല്ലെങ്കിൽ ഇസ്ലാമിക് റിപ്പബ്ലിക് ഓഫ് ഇറാന്റെ സഹകരണത്തോടെ അന്താരാഷ്ട്ര ആണവോർജ്ജ ഏജൻസിയുടെയോ (IAEA) സമാനമായ മറ്റ് ഔദ്യോഗിക സംവിധാനങ്ങളുടെയോ മേൽനോട്ടത്തിൽ ഇറാനിലോ മറ്റ് അനുയോജ്യമായ സ്ഥലങ്ങളിലോ വെച്ച് നശിപ്പിച്ചു കളയണം,” ട്രംപ് കുറിച്ചു.
നിലവിൽ ഇരുരാജ്യങ്ങളും തമ്മിൽ പ്രഖ്യാപിച്ചിട്ടുള്ള 60 ദിവസത്തെ താൽക്കാലിക യുദ്ധവിരാമ ചർച്ചകളുടെ പശ്ചാത്തലത്തിലാണ് ട്രംപിന്റെ ഈ നിർണ്ണായക പ്രതികരണം. ഹോർമുസ് കടലിടുക്ക് തുറക്കുന്നതും ഉപരോധങ്ങൾ നീക്കുന്നതുമായി ബന്ധപ്പെട്ട ചർച്ചകൾ സജീവമാണെങ്കിലും, യുറേനിയം ശേഖരം പൂർണ്ണമായി ഒഴിവാക്കാതെ ഇറാന് മേലുള്ള ഉപരോധങ്ങൾ നീക്കില്ലെന്ന ശക്തമായ സൂചനയാണ് അമേരിക്ക നൽകുന്നത്. അതേസമയം, ചർച്ചകളിൽ നല്ല പുരോഗതിയുണ്ടെന്നും ഇരുപക്ഷത്തിനും അനുകൂലമായ കരാറിലെത്താൻ സാധിക്കുമെന്നാണ് പ്രതീക്ഷയെന്നും ചില അന്താരാഷ്ട്ര നയതന്ത്ര സ്രോതസ്സുകൾ റിപ്പോർട്ട് ചെയ്യുന്നുണ്ട്.
