ക്രിമിനല്‍ കുറ്റാരോപണങ്ങള്‍ പരിശോധിക്കാന്‍ സമിതിക്ക്‌ അധികാരമില്ല, ചെയര്‍മാന്‌ കത്തയച്ച് മഹുവ
മലയാളമിത്രം ഗൾഫ് ഡസ്ക് 
ജിദ്ദ: ജിദ്ദയില്‍ നടക്കുന്ന 20ാമത് സിഫ് ഈസ്ടീ ചാമ്പ്യന്‍സ് ലീഗ് ഫുട്‌ബോള്‍ ടൂര്‍ണമെന്റ് കലാശപ്പോരിലേക്ക് നീങ്ങുന്നു. കഴിഞ്ഞ ദിവസം നടന്ന അവസാന ലീഗ് മത്സരത്തില്‍ റീം അല്‍ ഉല ബ്ലാസ്റ്റേഴ്സ് എഫ്സിയെ ഒരു ഗോളിന് സമനിലയില്‍ കുരുക്കിയ പവര്‍ ഹൗസ് മഹ്ജര്‍ എഫ്സി സെമി ഫൈനലില്‍ പ്രവേശിച്ചു. സെമിയില്‍ കരുത്തരായ എസിസി എ ടീമാണ് മഹ്ജറിന്റെ എതിരാളികള്‍. അടുത്ത വെള്ളിയാഴ്ച നടക്കുന്ന മറ്റൊരു സെമിഫൈനലില്‍ പ്രിന്റക്‌സ് റിയല്‍ കേരള എഫ്സിയും എഫ്സി യാമ്പുവും കൊമ്പുകോര്‍ക്കും.
ജയം അനിവാര്യമായിരുന്ന ബ്ലാസ്റ്റേഴ്സ് എഫ്സിയും അവസാന കളിയില്‍ സമനില മാത്രം മതിയായിരുന്ന മഹ്ജര്‍ എഫ്സിയും തമ്മില്‍ നടന്ന എ ഡിവിഷനിലെ ആവേശകരമായ മത്സരത്തില്‍ മഹ്ജറാണ് ആദ്യം വല കുലുക്കിയത്. പത്താം നമ്പര്‍ മുഹമ്മദ് ഫഹൂദ്‌ന്റെ ബൂട്ടില്‍ നിന്നായിരുന്നു ഗോള്‍.
രണ്ടാം പകുതിയുടെ പതിനെട്ടാം മിനുട്ടില്‍ നായകന്‍ മുഹമ്മദ് ഇക്ബാലിന്റെ ഹെഡര്‍ ഗോളിലൂടെ സമനില പിടിച്ച ബ്ലാസ്റ്റേഴ്സ് വിജയത്തിനായി അവസാന നിമിഷം വരെയും കിണഞ്ഞുപരിശ്രമിച്ചെങ്കിലും ഗോള്‍ മാത്രം അകന്നുനിന്നു. കളിയിലെ കേമനായി തിരഞ്ഞെടുക്കപ്പെട്ട മഹ്ജര്‍ എഫ്സി താരം മുഹമ്മദ് ഫഹൂദിന് റീഗല്‍ മുജീബ് ട്രോഫി സമ്മാനിച്ചു.
ബി ഡിവിഷന്‍ മത്സരത്തിലെ ആദ്യസെമി ഫൈനലില്‍ അനലിറ്റിക്സ് റെഡ് സീ ബ്ലാസ്റ്റേഴ്സ് രണ്ടിനെതിരെ മൂന്ന് ഗോളുകള്‍ക്ക് ജിദ്ദ എഫ്സിയെ പരാജയപ്പെടുത്തി ഫൈനലില്‍ പ്രവേശിച്ചു. എക്‌സ്ട്രാ ടൈമിന്റെ നാലാം മിനുട്ടിലാണ് റെഡ് സീ ബ്ലാസ്റ്റേഴ്സ്‌ന്റെ വിജയ ഗോള്‍ പിറന്നത്. മികച്ച കളിക്കാരനായി തിരഞ്ഞെടുക്കപ്പെട്ട റെഡ് സീ ബ്ലാസ്റ്റേഴ്സിന്റെ അബ്ദുല്‍ നാഫിഹിന് സിഎം അഹമ്മദ് ട്രോഫി നല്‍കി. അടുത്തയാഴ്ച ബി ഡിവിഷന്‍ സെമിയില്‍ സൈലോ ഐടി സോക്കര്‍ അല്‍ ഹാസ്മി ന്യൂ കാസില്‍ എഫ്സിയുമായി മാറ്റുരയ്ക്കും.
