ദോഹ: ഖത്തര് ഹാന്ഡ്ബോള് കപ്പ് ഫൈനലില് അല് ദുഹൈലിനെ പരാജയപ്പെടുത്തിയ അല് അറബി ജേതാക്കളായി. ക്ലബ്ബിന്റെ ചരിത്രത്തില് ആദ്യമായാണ് അല് അറബി ഈ കപ്പ് നേടുന്നത്.
അല് ദുഹൈല് സ്റ്റേഡിയത്തില് നടന്ന മല്സരത്തിന്റെ ആദ്യ പകുതിയില് അല് അറബി 9നെതിരേ 14 ഗോളുകള്ക്ക് ലീഡ് നേടിയിരുന്നു. എന്നാല്, രണ്ടാം പകുതിയില് ദുഹൈല് ശക്തമായ തിരിച്ചുവരവ് നടത്തി. ഒരു ഘട്ടത്തില് 26-26 എന്ന സ്കോറില് സമനില പിടിച്ചു. വാശിയേറിയ പോരാട്ടത്തിനൊടു വില് അല് അറബി വിജയം സ്വന്തമാക്കുകയായിരുന്നു.
അല് അറബി ഗോള്കീപ്പര് ഡാനിയല് സാറിച്ചിന്റെ മികച്ച പ്രകടനമാണ് പെനല്റ്റി ത്രോഓഫില് ടീമിന് മേല്ക്കൈനേടാന് സഹായിച്ചത്. അല് അറബി എല്ലാ പെനല്റ്റികളും ലക്ഷ്യത്തിലെത്തിച്ച പ്പോള് ദുഹൈലിന്റെ രണ്ട് ത്രോകള് ഡാനിയല് സാറിച്ച് സേവ് ചെയ്തു. സ്കോര് 4-2ല് കലാശിച്ചു.
ഖത്തര് ഹാന്ഡ്ബോള് അസോസിയേഷന് പ്രിസിഡന്റ് അഹ്മദ് അല് ശഅബി വിജയികള്ക്കുള്ള കപ്പും സ്വര്ണമെഡലുകളും കൈമാറി.