ഹൈദരാബാദ്: ഹൈദരബാദിലെ പഞ്ചനക്ഷത്ര ഹോട്ടലില് വച്ച് കൊക്കെയ്ന് പാര്ട്ടി നടത്തുന്നതിനിടെ ആന്ധ്രാ പ്രദേശ് മുന് മുഖ്യന്ത്രിയുടെ കൊച്ചുമകന് പിടിയില്. ആന്ധ്രയിലെ പ്രമുഖ ബി.ജെ.പി നേതാവ് ജി. യോഗാനന്ദിന്റെ മകനായ ഗജ്ജല വിവേകാനന്ദിനെ(37) ആണ് പോലീസ് അറസ്റ്റ് ചെയ്തത്. വിവേകാനന്ദ് ഉൾപ്പെടെ പത്ത് പ്രതികളെ പോലീസ് പിടികൂടിയിട്ടുണ്ട്.
പോലീസിന് ലഭിച്ച രഹസ്യ വിവരത്തെത്തുടര്ന്ന് നടത്തിയ അന്വേഷണത്തിലാണ് സംഘം പിടിയിലായത്. ഇവരില് നിന്ന് മാരക ലഹരിമരുന്നുകള് കണ്ടെടുത്തിട്ടുണ്ട്. പഞ്ചനക്ഷത്ര ഹോട്ടലില്വെച്ച് ഈ പാര്ട്ടി നടത്തിയത് താനാണെന്ന് ചോദ്യംചെയ്യലില് വിവേകാനന്ദ് പോലീസിനോട് സമ്മതിച്ചിട്ടുണ്ട്.
മഞ്ജീര ഗ്രൂപ്പിന്റെ ഡയറക്ടറാണ് പിടിയിലായ വിവേകാനന്ദ്. തെലങ്കാനയിലെ നിയമസഭയിലേക്ക് മത്സരിച്ച വ്യക്തിയാണ് വിവേകാനന്ദിന്റെ പിതാവ് ജി. യോഗാനന്ദ്. സംഭവത്തിൽ അന്വേഷണം വ്യാപിപ്പിക്കുമെന്ന് പോലീസ് വ്യക്തമാക്കി.