ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
കെഎസ്യു സംസ്ഥാന ക്യാംപിലെ കൂട്ടത്തല്ലില് സംഘടനാ നേതൃത്വത്തിന് വീഴ്ച സംഭവിച്ചെന്ന് കെപിസിസി അന്വേഷണ സമിതി. വിശദമായ അന്വേഷണം നടത്തി കൂടുതല് പേര്ക്കെതിരെ അച്ചടക്കനടപടി സ്വീകരിക്കാനും നിർദ്ദേശം. കെപിസിസി നേതൃത്വവുമായി ആലോചിക്കാതെയാണ് ക്യാമ്പ് നിശ്ചയിച്ചതെന്നുമുള്ള റിപ്പോർട്ട് മൂന്നംഗ സമിതി തയ്യാറാക്കിയ പ്രാഥമിക റിപ്പോര്ട്ട് കെപിസിസി അധ്യക്ഷന് കൈമാറി.
നെടുമങ്ങാട് കോളജിലെ കെഎസ്യു യൂണിറ്റിന്റെ വാട്സ് ആപ് ഗ്രൂപ്പ് അഡ്മിനെ ചൊല്ലിയാണ് തര്ക്കം ആരംഭിച്ചതെന്നാണ് സമിതിയുടെ കണ്ടെത്തൽ. ഇന്നലെ അര്ധരാത്രിയോടെയാണ് നെയ്യാര്ഡാമിലെ രാജീവ് ഗാന്ധി ഇന്സ്റ്റിറ്റ്യൂട്ടിൽ നടന്ന കെഎസ്യു ക്യാംപില് കൂട്ടത്തല്ല് ഉണ്ടായത്. നിരവധി ഭാരവാഹികള്ക്ക് പരിക്കേറ്റിരുന്നു. എന്നാല് കൂട്ടത്തല്ല് മാധ്യമ വാര്ത്തയെന്നായിരുന്നു കെഎസ്യു സംസ്ഥാന അധ്യക്ഷന്റെ പ്രതികരണം.
