ജയൻ കൊടുങ്ങല്ലൂർ 
ജിദ്ദ: റയാൻ നഴ്‌സഴ്‌സ് കൂട്ടായ്മ ജിദ്ദയിൽ പുതുവത്സരാഘോഷം സംഘടിപ്പിച്ചു.
പുത്തൻ പ്രതീക്ഷകളുമായി 2024 പുതുവത്സര പിറവിയുടെ ആഹ്ലാദം പങ്കിട്ടുകൊണ്ട് ഷറഫിയ അൽ റയാൻ പോളിക്ലിനിക്കിന്റെ അങ്കണത്തിൽ കേക്ക് മുറിച്ചും, പായസ വിതരണം നടത്തിയും റയാൻ നഴ്‌സസ് കൂട്ടായ്മ പുതുവർഷത്തെ വരവേറ്റു.
മെഡിക്കൽ ഓഫീസർ ഡോ.അയ്യപ്പകുമാറും നഴ്‌സസ് സൂപ്രണ്ട് സിസ്റ്റർ ഫത്തഹിയ്യയും ചേർന്ന് കേക്ക് മുറിച്ച് ന്യൂ ഇയർ ആഘോഷ രാവ് ഉദ്ഘാടനം ചെയ്തു. ആഘോഷ ചടങ്ങിൽ ഡോ.രഞ്ജിത്ത്, യൂസുഫ് ഹാജി, സലീം പാറപ്പുറത്ത്, ബഷീർ ബംഗ്ലാദേശ്, ഹാരിസ് ബാബു മമ്പാട്, സിസ്റ്റർമാരായ മുഹ്‌സിന,സെലിൻ ഫിർദൗസ്, ഷൈന സലാം, ജൂലി, സിൽബി, സലീന,നദീറ, ഫൗസിയ എന്നിവർ നേതൃത്വം നൽകി. നഴ്‌സസ് കൂട്ടായ്മ
അവതരിപ്പിച്ച കലാ വിരുന്നുകൾ ന്യൂഇയർ ആഘോഷ രാവിന് മാറ്റുകൂട്ടി. സിസ്റ്റർ റീന റോസി, ഗോമതി, ചിഞ്ചു, രേഷ്മ എന്നിവർ ആശംസകളർപ്പിച്ച് സംസാരിച്ചു.
