ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
റിയാദ്: കേളി കലാസാംസ്കാരിക വേദിയുടെ 2025-26 അധ്യയന വർഷത്തെ വിദ്യാഭ്യാസ പ്രോത്സാഹന പുരസ്കാരമായ ‘പ്രതീക്ഷ’യുടെ വിതരണോദ്ഘാടനം റിയാദിൽ നടന്നു. ബത്ത അൽ യാസ്മിൻ ഓഡിറ്റോറിയത്തിൽ നടന്ന ചടങ്ങിൽ കേളി ആക്ടിങ് പ്രസിഡന്റ് രാമകൃഷ്ണൻ ധനുവച്ചപുരം അധ്യക്ഷത വഹിച്ചു.
അൽ അലിയ ഇന്റർനാഷണൽ സ്കൂൾ പ്രിൻസിപ്പൽ കവിതാ ലത കതിരേശൻ പുരസ്കാര വിതരണം ഉദ്ഘാടനം ചെയ്തു. കേളി രക്ഷാധികാരി സെക്രട്ടറി കെ.പി.എം. സാദിഖ്, സമിതി അംഗം സീബാ കൂവോട്, കുടുംബവേദി സെക്രട്ടറി ഷഹീബ വി.കെ. പ്രസിഡന്റ് ശ്രീഷ സുകേഷ്, ട്രഷറർ സീന സെബിൻ, കേളി വൈസ് പ്രസിഡന്റ് റഫീഖ് ചാലിയം എന്നിവർ ആശംസകൾ നേർന്നു.
സാംസ്കാരിക കമ്മിറ്റി കൺവീനർ സതീഷ് വളവിൽ പുരസ്കാര പദ്ധതിയെക്കുറിച്ച് വിശദീകരിച്ചു. കേളി അംഗങ്ങളുടെയും കുടുംബവേദി അംഗങ്ങളുടെയും പത്താം ക്ലാസ്, പ്ലസ് ടു പരീക്ഷകളിൽ വിജയിച്ച് ഉപരിപഠനത്തിന് അർഹത നേടിയ വിദ്യാർഥികൾക്കാണ് ക്യാഷ് അവാർഡും മൊമെന്റോയും ഉൾപ്പെട്ട ‘പ്രതീക്ഷ’ പുരസ്കാരം നൽകുന്നത്.
ഈ അധ്യയന വർഷത്തിൽ 228 വിദ്യാർഥികൾ പുരസ്കാരത്തിനർഹരായി. ഇതിൽ 212 പേർക്കുള്ള പുരസ്കാര വിതരണം കേരളത്തിലെ വിതരണം ജില്ലാ കേന്ദ്രങ്ങളിലായി വരും ദിവസങ്ങളിൽ നടക്കുമെന്ന് ഭാരവാഹികൾ അറിയിച്ചു.
റിയാദിലെ വിവിധ വിദ്യാലയങ്ങളിൽ നിന്ന് വിജയികളായ നാല് പ്ലസ് ടു വിദ്യാർഥികൾക്കും 12 പത്താം ക്ലാസ് വിദ്യാർഥികൾക്കും ചടങ്ങിൽ പുരസ്കാരങ്ങൾ വിതരണം ചെയ്തു.ഹെന പുഷ്പരാജ്, ദേവനന്ദ. എം, അലീന മറിയം പെരുമാൾ, അൻസ ഷെറിൻ (പ്ലസ് ടു)അവന്തിക ഇ, അനുഷ്ക ബിജു, അദ്വൈത് ബിജിൻ, ഗൗരി പുമൽകുമാർ, നിഹാൽ, ഫനൂസ സാബിത്ത്, ഇഷാന സെബിൻ, അനാമിക രാജ്, ഗൗതം കൃഷ്ണ എവി, ആരോൺ ജിബി, മുഹമ്മദ് മിസബ് മനക്കടവത്ത് അമീർ, അയാൻ പോൾ അനൂപ്
(പത്താം തരം) എന്നിവർക്കാണ് റിയാദിലെ പരിപാടിയിൽ വിതരണം ചെയ്തത്.
കേളി രക്ഷാധികാരി സമിതി അംഗങ്ങളും കേന്ദ്ര കമ്മിറ്റി ഭാരവാഹികളും കുടുംബവേദി പ്രതിനിധികളും ചേർന്നാണ് പുരസ്കാരങ്ങൾ കൈമാറിയത്.പുരസ്കാരത്തോടൊപ്പം ലഭിച്ച ക്യാഷ് അവാർഡ് 9 വിദ്യാർഥികൾ കേളിയുടെ ‘ വിശപ്പ് രഹിത കേരളത്തോടൊപ്പം കേളി’ എന്ന പദ്ധതിയിലേക്ക്
കൈമാറി. സഹജീവികളെ ചേർത്ത് പിടിക്കാനുള്ള കുട്ടികളുടെ മനസ്സിനെ സംഘാടകർ അനുമോദിച്ചു. കേളി സെക്രട്ടറി സുനിൽ കുമാർ സ്വാഗതവും ട്രഷറർ മധു ബാലുശ്ശേരി നന്ദിയും രേഖപ്പെടുത്തി.
