ന്യൂസ് ബ്യൂറോ തിരുവനന്തപുരം 
തിരുവനന്തപുരം: മുതിർന്ന കോൺഗ്രസ് നേതാവ് എ കെ ആന്‍റണി വോട്ട് രേഖപ്പെടുത്തി. ഭാര്യയ്‌ക്കും മറ്റ് നേതാക്കൾക്കുമൊപ്പമാണ് അദ്ദേഹം തിരുവനന്തപുരം ജഗതി യു പി സ്‌കൂളിൽ വോട്ട് രേഖപ്പെടുത്തിയത്. വോട്ട് രേഖപ്പെടുത്തിയ ശേഷം മാധ്യമങ്ങളെ കണ്ട് സംസാരിച്ച അദ്ദേഹം ബിജെപിയെയും, എൽഡിഎഫിനെയും അതിരൂക്ഷമായി വിമർശിച്ചു.
കേന്ദ്ര – സംസ്ഥാന സർക്കാറുകൾക്കെതിരെ അതിരൂക്ഷമായ ജനാരോഷമുണ്ടെന്നും ആ കൊടുങ്കാറ്റിൽ ബിജെപി തകർന്ന് തരിപ്പണമാകുമെന്നും ആന്‍റണി പറഞ്ഞു. യുഡിഎഫ് മുഴുവൻ സീറ്റിലും ജയിക്കുമെന്നും അദ്ദേഹം പറഞ്ഞു. ഏറ്റവും നിർണായകമായ തെരഞ്ഞെടുപ്പാണിത്. കേരളത്തിൽ എല്ലാ സീറ്റിലും എൽഡിഎഫ് തകരും. ബിജെപി എല്ലാ സീറ്റിലും തകർന്ന് തരിപ്പണമാകുമെന്നും എ കെ ആന്‍റണി പറഞ്ഞു.
