മലയാളമിത്രം ഗൾഫ് ഡസ്ക് 
റിയാദ്: സൗദി അറേബ്യയിലെ റിയാദില്‍ ടൂറിസ്റ്റ് വിസയിലെത്തിയ മലയാളി മരിച്ചു. പാലക്കാട് മണ്ണാര്‍ക്കാട് കരിമ്പുഴ കോട്ടപ്പുറം പന്തപ്പൂലാക്കില്‍ തെരുവ് വീട്ടില്‍ രാമസ്വാമി (55)യാണ് മരിച്ചത്.
റിയാദിലെ മലാസ് അല്‍ ഉബൈദ് ആശുപത്രിയില്‍ വച്ചായിരുന്നു അന്ത്യം. കഴിഞ്ഞ മുപ്പത് വര്‍ഷത്തോളമായി പ്രവാസി ആയിരുന്നു. പിതാവ്: പരേതനായ മുരുഗന്‍. മാതാവ്: പരേതയായ പളനി അമ്മ. ഭാര്യ: ഷീബ. മക്കള്‍: അമല്‍ കൃഷ്ണ, ഐശ്വര്യ.
കണ്ണൂര്‍ സ്വദേശി നജ്‌റാനില്‍ മരിച്ചു
നജ്‌റാന്‍: കണ്ണൂര്‍ കമ്പില്‍ സ്വദേശി മുഹമ്മദ് റഫീഖ് (53) നജ്‌റാനില്‍ മരിച്ചു. അസുഖബാധിതനായി നജ്‌റാന്‍ കിങ് ഖാലിദ് ആശുപത്രി തീവ്രപരിചരണ വിഭാഗത്തില്‍ ചികില്‍സയിലായിരുന്നു. നജ്‌റാനിലെ സ്വകാര്യ സ്ഥാപനത്തില്‍ 10 വര്‍ഷത്തിലധികമായി ഡ്രൈവറായി ജോലിചെയ്തുവരികയായിരുന്നു. നടപടിക്രമങ്ങള്‍ പൂര്‍ത്തിയാക്കുന്നതിന് ബന്ധുക്കള്‍ക്കൊപ്പം നജ്‌റാന്‍ കെഎംസിസി പ്രസിഡന്റ് സലീം ഉപ്പള സഹായങ്ങള്‍ നല്‍കിവരുന്നു.
തൃശൂര്‍ സ്വദേശി ദമാമില്‍ മരിച്ചു
ദമാം: സൗദിയിലെ ദമാമില്‍ മലയാളി ഹൃദയാഘാതത്തെ തുടര്‍ന്ന് മരിച്ചു. തൃശൂര്‍ കുന്ദംകുളം പന്നിതടം സ്വദേശി വന്തേരിവളപ്പില്‍ മുഹമ്മദ് കുട്ടിയാണ് മരിച്ചത്. ഇരുപത് വര്‍ഷത്തിലധികമായി ഹൗസ് ഡ്രൈവറായി ജോലി ചെയ്തുവരികയായിരുന്നു. ഭാര്യയെ ഉംറക്കായി സന്ദര്‍ശന വിസയില്‍ സൗദിയിലെത്തിച്ച് മക്കയിലേക്ക് യാത്രതിരിക്കാനിരിക്കെയാണ് മരണം.
