ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
റിയാദ്: റിയാദ് മെട്രോ ഓറഞ്ച് ലൈനില് (മദീന റോഡ്) ഇന്ന് മുതല് സര്വീസുകള്ക്ക് തുടക്കമാകും. ഇതോടെ മെട്രോയിലെ ആറു ലൈനുകളിലും പൂര്ണ തോതില് സര്വീസുകള് നിലവില്വരും. ഒന്നാം ട്രാക്ക് ആയ ഉലയ്യ-ബത്ഹ (ബ്ലൂ ലൈന്), നാലാം ട്രാക്ക് ആയ കിംഗ് ഖാലിദ് എയര്പോര്ട്ട് (യെല്ലോ ലൈന്), ആറാം ട്രാക്ക് ആയ അബ്ദുറഹ്മാന് ബിന് ഔഫ് ജംഗ്ഷന്-ശൈഖ് ഹസന് ബിന് ഹുസൈന് (വയലറ്റ് ലൈന്) എന്നീ മൂന്നു റൂട്ടുകളില് ഡിസംബര് ഒന്നിനും രണ്ടാം ട്രാക്ക് ആയ കിംഗ് അബ്ദുല്ല റോഡ് (റെഡ് ലൈന്), അഞ്ചാം ട്രാക്ക് ആയ കിംഗ് അബ്ദുല് അസീസ് റോഡ് (ഗ്രീന് ലൈന്) എന്നീ റൂട്ടുകളില് ഡിസംബര് 15 മുതലും സര്വീസ് ആരംഭിച്ചിരുന്നു. മൂന്നാം ട്രാക്ക് ആയ മദീന റോഡ് (ഓറഞ്ച് ലൈന്) റൂട്ടില് ആണ് ഇന്ന് മുതല് സര്വീസ് ആരഭിച്ചത്.
ലോകത്ത് ഒറ്റയടിക്ക് നടപ്പാക്കിയ ഏറ്റവും വലിയ മെട്രോ പദ്ധതിയാണ് റിയാദിലെത്. റിയാദ് മെട്രോയിലെ ആറു ട്രാക്കുകളുടെ ആകെ നീളം 176 കിലോമീറ്ററാണ്. മെട്രോ പാതകളില് ആകെ 85 സ്റ്റേഷനുകളുണ്ട്. ഇതില് നാലെണ്ണം പ്രധാന സ്റ്റേഷനുകളാണ്. മണിക്കൂറില് 80 കിലോമീറ്റര് വേഗതയിലാണ് മെട്രോ ട്രെയിന് സഞ്ചരിക്കുന്നത്. പ്രതിദിനം 11.6 ലക്ഷം യാത്രക്കാരെ ഉള്ക്കൊള്ളാന് ശേഷിയിലാണ് റിയാദ് മെട്രോ പൂര്ത്തിയാക്കിയിരിക്കുന്നത്. റിയാദ് മെട്രോയില് നാല്പതു ശതമാനം ട്രാക്കുകളും ഭൂമിക്കടിയിലൂടെ കടന്നുപോകുന്നു.
