ന്യൂസ് ബ്യൂറോ 
തിരുവനന്തപുരം: ഭാര്യയോട് മോശമായി സംസാരിച്ചതു ചോദ്യംചെയ്തതിന് ഭര്‍ത്താവിനെ കുത്തി പരിക്കേല്‍പ്പിച്ചു. ആംബുലന്‍സ് ഡ്രൈവറായ ഇളങ്കാവില്‍ ലെയ്ന്‍ വിളയില്‍ വീട്ടില്‍ സന്തോഷ് കുമാറി(47)നാണ് കുത്തേറ്റത്. ഗുരുതരമായി പരിക്കേറ്റ സന്തോഷിനെ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.
സന്തോഷിന്റെ സുഹൃത്തുക്കളായ മുദാക്കല്‍ ഇളമ്പമംഗലത്ത് വീട്ടില്‍ ദിലീപ്, മുട്ടട ശിവശക്തിയില്‍ സന്തോഷ് എന്നിവരെ മെഡിക്കല്‍ കോളേജ് പോലീസ് അറസ്റ്റുചെയ്തു. ദിലീപ് നിരവധി കേസുകളിലെ പ്രതിയാണ്.
കഴിഞ്ഞ ദിവസം രാത്രി 12.30-ഓടെയായിരുന്നു സംഭവം. ആംബുലന്‍സ് ഓട്ടം കഴിഞ്ഞ് രാത്രി വീട്ടിലെത്തിയ സന്തോഷ് കുമാറിനെ, പ്രതികള്‍ ഇളങ്കാവ ്‌ലെയ്നിലുള്ള ആളൊഴിഞ്ഞ വീട്ടല്‍ വിളിച്ചുവരുത്തി മദ്യം നല്‍കിയ ശേഷം കുത്തി പരിക്കേല്‍പ്പിക്കുകയായിരുന്നു.
സന്തോഷിന്റെ ഭാര്യയോട് ദിലീപ് മോശമായി സംസാരിച്ചതിനെ സംബന്ധിച്ച് ഇവര്‍ തമ്മില്‍ നേരത്തേ തര്‍ക്കമുണ്ടായിരുന്നു. ഇതിന്റെ വൈരാഗ്യത്തിലായിരുന്നു ആക്രമണമെന്ന് പോലീസ് പറയുന്നു.
